الكرامة والوطن بالشرف مرتبطين .. وكلاهم بالتفاخر حالة وحدة
اذا واحد فتحلك منهن باب .. اتركة بلا جواب وبابك سدة
.................................................. .....................
عزيز الوطن عندي وبكل الگلب مكتوب ... ومثل الدم ترى يسري بشراييني
وبيه انة اشوف الدنيا والناس ... وانة بلا وطن مجهول تدريني
الوطن مثل العراق يكون رفعة راس ... تهابة الدنيا كلها وما تحاجيني
رفعت راس انة وهيبة الهم دوم ... ما اساوم ابد ما افرط بديني
العراق من العرب والعرب منة وبيه ... واليوم العرب صارت تعاديني
ويسبون الوطن واسمع وارد بزود ... واطيح اعگال كلمن ناوي ياذيي
ويتأمر اخوي ويوگف وي اعداي .. وما جني نصرتة وتشهدلة سنيني
ويسجني وعراقي انة ويعرف زين .. . وبدون وبلا وطن انتة وتجاريني
وافواج الحقد ترسلي والذباح ... وبزرع الفتن صاير تجازيني
الكرم عندي تعرفة وتعرف الفنجان .. وتعرف دلتي وتعرف دواويني
بالصحراء مضيفي وناري وسط الهور .. وتتميز على قصورك صواويني
وتدري العقيدة ومذهب اهل البيت ... وحب المصطفى مرسومة بعيني
عراقي انة واظل للموت اصيح اعراق ... ومسلم انة وماية يرويني