ماذا يحصل مع البنت عندما تريد الذهاب الى السووق؟؟

البنية قبل متطلع للسوك

.
.
.
.
.
.
.
.
.
.
.
.فقبل لا تطلع
تروح تبدل هدومها { طبعا بدون سبح كالعاده } تلبس وين الشي الضيق { مو كل اصابيعي سويه ادري } ، { ادري الجاي ادري عيوني المن اادره هع حلوة هاي } ورة متلبس هدومها تروح كبال المغسله تنگع شعرها المگطرف { ناهيكم عن الگمل } تغرگه بالمي { مي عز الدين عاااا } وراها تجين وتحط بهالقراصات { اي مو شعرها مثل ما گلتلكم مگرطف } والله گولوا خلصنا من الشعر عاد تبدي هنا المعانات تدرون ليش ؟؟؟
ليش لو شرطه عااا ****، اني اگللكم ليش ؟
راح تگعد تتمكيج تجيب وتحط بهالالوان عبالك گاعده تلبخ بحايط ما احجيلكم عن الاحمر والاخضر يعني بين قوسين يطلع وجهها قوس قزح
وراها تروح لامها ماما ماما ماما { شوي بيها نزاكه مال لواگه لانه عدها شغله يم امها }
ماما ماما
الامايه : ووجع شبيج (طبعا شوية بيها نوع من انواع التجوعر )
مام عفيه احنه منا نروح مو تخلين اخويه يوصلنا { هاي الحجي وياه عقجه بالوجه ومد الخشم شوي ليكدام } تخيلوا شكلها
الامايه : بت المصخم مو عدنا سيارة ليش حرامات فلوس تكسي
ماما ماما اني انطيج
الامايه : ها شو من باب انتي ماعندج فلوس من يجي ابو الزبل اكلج انطيه ربع ما تنطيه تخلين الولد يروح وميشيل الزباله
ماما عيب { عيب شيروكي عااا } اني مو علمود الربع
لعد عليمن هاي الامايه تكول { ويها رفعه بالشفه الفوك ليش ما ادري }
مام عيب يعني علاوي من يشوفني دا اذب الزبل شيكول عليه { علاوي ابن جيرانهم }
الامايه : امداج سليمه التكرفج عبالي بيها شي ضلي بهاي عقليتج
ماما اهووووووووووووووووو هم راح تلقيلي محاضرة خلي من نرجع
هسه عفيه احنه نروح مو ؟؟؟
گبر { هاي الامايه كالت }
والله گولوا طلعوا من البيت بعد رزاله من الاب { ليش متخلون اخوج يوصلكم }
بابا والله يضل يمن علينه ويضل يغاط علينا { هاي وياها عقجه الحواجب }
واله وصلوا لراس الشارع
فات ابو سيارة الامايه اشرتله جان البنيه جرت ايدها
ماما اؤؤؤؤؤؤؤؤؤؤي هذا شايب
انجبي لج عبالي بيها شي { الامايه كالت }
والله هناك ويجيلك ابو برازيلي بيضه صاكه { جمبازيه } هاي كلمه بس السواق يعرفوها
والله لزكهم بـ طاط طاط ورماش
اي ماما هذا عفيه
والله كولوا يابا { خلي نكول لشارع الربيعي }
يابا لشارع الربيعي
اي يمه صعدي { خوش ولد فقير يكول يمه }
شكد يمه ر هيه بكلبها:{ الله يطيح حظك وحظ امك مو هازة كاروكك تكلي يمه }
بكيفج يمه { خطيه العينتين شكد فقير ما يكول خلي تصعد العينتين ويايه }
والله ديصعدون
البنيه كمزت تريد تكعد ورة السايق
الامايه غمتها ليش ما ادري
والله صعدوا كعدت ورة السايق والامايه هم ليورة
والعينتين راسا عدل المرايه علمود يباوع زين
والبنيه راسا بدت تعدل باللوامس مالتها { اللوامس مصطلح يطلق على شارب الصرصور } بس هيه البنيه عدها الكدله مالتها تنزلها منا ومنا
هيه تعدل وهو شغل هيثم { آه لو اعرف شبيك } شبيك انكلش عااا
هيه تعدل باللوامس وهو كل شوي يعدل بالمرايه { علمود يحسسها انه هو ديباوع عليها } وهيه مغلسه تسوي نفسها متشوف
والله الامايه صاحت هن يمك الولد اخترع كال ها يمه اي اي اي
هو بيا عالم جان { حاير شلون يدعبل الرقم }
والله نزلوا والولد مذب الرقم .........هم سدوا الباب وهو لزكها ببطناش قوي { عود صار عصبي هو }
والله نزلوا
لك شنو هالگمر اللي نزل شوفه
ولك يا گمر شوفها جنها كرك { هاي ثنين ولد ديمشون بالشارع }
الله يطيح حضك { هاي البنيه كالت }
واله كولوا ديمشون { نهايكم عن التصجيمات } لانه البنيه عود حلوة ما يدرون العينتن صابغه وجها صبغ
والله لهناك والبنيه ماماماما اؤي يمه صدقه لالله شوفي هذا شكد حلو
الامايه : منو ؟؟؟ { بس ويها صيحه واستغراب }
باعيه ، لج منو ؟؟ ، مساري ماما شبيج متشوفيه شكد حلو يمه صدقه لالله
ماما عفيه خلي نشتريه
امشي لچ تأخرنا هسه ابوچ يرزلني
ماما هستونه نزلنه من السيارة
اشششششششششششششششششششششششش لا تلغين
دلغمت البنيه
لهناك ويشوفون تسجيلات ، ماما خلي اشتري كاسيت حسام الجديد
لچ شگد لغيتي ترة نرجع
اهووووووووووو ماما لعد شنو جايين هنا
والله لهناك وتفوتلك زفه { عرس } البنيه انصدمت
مو اندعمت بسيارة لاع وجهها گام يضرب طلقات العفو گام يضرب الوان
ها شبيچ ؟؟؟؟؟ هاي الامايه سألتها ؟؟؟
لا هيج ماما ماكوا شي
اكلچ ماما شوفي العروس ؟؟؟ متگليلي شاف بيها واخذها دشوفيها
جكمه متكليلي شلون اخذها ؟؟ { مو جكمه مال قميص }
والله كولوا ضلوا يتمشون جان الامايه تشوف واحد يصيح
حاجه ربع حاجه ربع اي حاجه ربع
والله الامايه امشي لچ تعالي خلي نروح
البنيه تجر بامها { ماما عيب شنو نشتري من هذا العالم شيكولون عليه }
البنيه تهنبل عالوادم عود هم توب { توب مال نوم لو توب قصير }
والله ديشترون ولهناك جان تعيط البنيه { آي } بس آي قويه وصوت عالي
الامايه اندارت العالم انتبهت
الكل كاموا يباعون
البنيه شتكول شتكول شتكول { جان تكول لواحد ادب سز ماعندك خوات ما تستحي } والله الامايه استحت اخذت بنتها وركبوا تكسي ويه واحد شايب طايحه سنونه
ورجعوا للبيت والبنيه الحسرة بكلبها من ورة العرس وضلت تفكر بالعرس
ولحد الان محد يعرف ليش البنيه عاطت
وهيه هاي حاله البنيه من تطلع برة
بس اتمنى من البنات ما يزعلن مني
لانه مو كل اصابيعكم سويه

عاشت ايديك اخ مصطفى كلامك مضبوط بس المشية مال البنات نسيتها ما ادري اشلون تكلب رجل على رجل تكول خباطة
تحياتي