من قلبي الى حبيبي القاسي

تعاهدنا على الوفاء وصدق الكلام
تعاهدنا على البقاء حتى الفناء

تعاهدنا على البوح رغم العناء
تعاهدنا وتعاهدنا وتعاهدنا

أين كل هذا ؟؟؟
أين كل هذه العهـــود

كلها ذهبت كا الرماد
هل كنت أنا سبب في خلفانها

أسأله تدوري في ذهني
لماذا رحلة وجعلتني وحيده

لماذا رحلة عني بصمت
لماذا ولماذا ولماذا

لقد جعلتني أعيش حياة بلا ألوان
وشمس بلا دفئ

وقمر بلا نور
وسماء بلا نجوم

ودمعة تدوم
وكل من حولي وجوه بلا ملامح

تملؤها الحسره على قدري
بربك لما كل هاذا العذاب

لقد جعلتني كالسراب العابر
أبحث عن روحك الطاهر

بكل لهفه وشتياق
أرجوك يامن ملكت قلبى

وسلبت عقلي وروحي
أعد لي رؤية ألوان الحياة

قد جعلت حياتي بلا عنوان
وقلب يملئه الحزن والأنين

وبسمة لا بهجة فيها
وعقل لاأدراك فيه

وعين لا رؤية فيها سواء طيفك
وعيد لافرحت فيها

رغم كل هاذه الشقاء
سأظل أنتظرك وأنتظرك وأنتظرك

رغم صراع الأمواج بداخل
شوق ألمحنين

أعلم أنك لن تعود
رغم كل هذه العذاب
أعلم أن عودتك أمر محآل

خذت قلبي وردت منك ترده
وتدري الحال من بعدك ترده
جرحي تكلي ما يردي ترده
واطيبه شلون وانت بجف اديه
تحياتي غيث الخزعلي

((بس الك يحله الغزل))

بس الك يحله الغزل

والغزل بس بسمك حله

يا ورده بجتاف الجرف

يا احله من ريم الفله

يا عمي درحمنه ولك

يا من جمالك مشكله

يا معجز كل اهل الوصف

يا احله من كل امگذله

الگمر منك يستحي

ومن تطلع انته تخجله

انته مثل قرص الشمس

بالعين ما ينصد اله

ولمن اشوفك انخبص

يامن نظرتك قاتله

ولساني بحلگي ينعگد

وگلبي يندهلك هله

وگلبي يندهلك هله

تحياتي غيث الخزعلي

((صدك تقبل حبيبي لغيري هسة تصير؟؟))

صدك تقبل حبيبي لغيري هسة تصير؟؟

وصدك مليت مني وبعد متحبني؟؟

وصدك هانت عليك اسنينه الحلوات

وما هانت عليك شلون تتركني؟؟

من يمته المذاهب نحسبلها حساب؟؟

ومن يمته الطوائف جانت تهمني؟؟

أنه لمن عشكتك ما سألت الناس

ولا جنت ادري اصلك شيعي لو سني

شجاك تغيرت وبكلبك انته شصار؟؟

جنت تموت بية وجنت تحبني

وجنت اتنفسك وانته الهوه بدنياي

وجنت لو تبتعد لحظات .. تخنكني

معقولة الورد ينكر جميل الماي؟؟

وانته بهالسهولة تنازلت عني؟؟

ما أنكر مقصر إجت فترة وياك

لكن مو بدية الوكت يجبرني

شفت يمك نفط وابين اديك الماي

وأنه بناري اشتعل ردتك تخلصني

لكيتك بالعكس مايَك شمرته ابعيد

وجبت النفط بيدك حته تحركني

شسولفلك بعد؟ طعم السوالف راح

ردت منك توافي وخيبت ظني

أدري الوكت هو الخله كلبك هيج

وادري الطائفية الباكتك مني

وقبل لا تبتعد عندي سؤال ارجوك

فكر وية روحك عود جاوبني :

باجر لو متت وتشوفني بتابوت

هم تبجي علية وبعد تذكرني؟؟؟؟؟
تحياتي غيث الخزعلي

((محد عايدك ياعراق...!!!))

محّد عايدك يا موطني شبيك
وأطفالك يتامى تريد عيديّة
كليجتهم ظلم وجروح بالعيد
والهاون عليهم يدگ ليليّة
بعد عيدك مبارك ما يگولون
بدل صوت المآذن صوت سمتيّة
ومن يطلع طفلنة اعلى المراجيح
زعلانة عليه اتگلّة ما بيــّة
ودمعاته اعلى خدّة تگول نيران
ويتعثّر صفة بالروحة والجيّة
وتتطشّر احلامة وتظل احلام
گبل چان ايتمنّى ايروح كليّة

تحياتي غيث الخزعلي

كم استمتعت بردكِ الجميل

بين سحر حروفكِ التي

ليس لها مثيل

وامسك قلمي واكتب لك

انت مبدع