ياعلي انته ولينه ياعلي

ياعلي انته ولينه ياعلي
بيك نجلي اهمومه الماتنجلي
بالكتاب وعترتي وحب الولي
امر من رب البريه******* للنبي هاي الوصيه
والله فزتوا بيها ياشيعة علي
**************************************
امعاهدين المصطفى بهذا العهد
والله نفدي ارواحنه وننطي بعد
هذا وعدي وياهو اليخون الوعد
وحك حماي الحميه************* ودم شهيد الغاضريه
روحي وولادي فداك وكل هلي
****************************************
ابد ماننسه العهد سابع محال
عاش ويانه ولايقبل جدال
يسري بشريانه دم لا يزال
وحك زهرتنه الزجيه************ والفدة روحه لخيه
طاحن ازنوده وتحير منولي
*****************************************
منكم اتعلمنه منكم كل عبر
والركب والله ابسفينتكم عبر
شوكنه وي شوكم طك وكبر
كل صباح وكل مسيه*********** شابكه بثنين اديه
وانملت كل روح من حبكم ملي
*******************************************
ياعلي بحبك تحدينه الصعاب
وشلنه بين اجسادنه مر العذاب
كمنه نمشي اعلى الجمر وعلى الحراب
حكم عادوا حكم اميه************* وشلنه تابوت المنيه
مو رماح ارصاص بينه تنملي
*******************************************
رادوا ايمنعونه ودمنه مباح
زرنه حظرتكم رغم نزف الجراح
صحنه يابو الحسن نفديلك ارواح
ما تهمنه كل اذيه************* لو لفتنه بكل ثنيه
من اجلكم با خرتنه نعتلي
*****************************************
ياعلي بفكار نورك نهتدي
ومن شهادتكم على الحك نقتدي
ما نجامل غاصب ولا معتدي
صابرين اعله البليه*********** ونهتدي بالمرجعيه
ويانفس بالحوزه والله اتمثلي
**************************************
الشاعر الحسيني
عدنان الحاج وريوش الساعدي