قصيدتي بعنوان (سرت روحي)

(سرت روحي)
سرت روحي اعلى درب البيه طاريكم@اوتعنت للمجان البيه جنت اكعدواتانيكم
هدم فلاح راجدهجي احس روحي*اونوح المالكه ادياره صبح نوحي*تعال اوعاين اجروحي
تعال اوشوفهه اشتوحي*مانه الامنت بيكم @هذاايصير تاليكم@ تكول ابعد واخليكم
سرت روحي اعلى طاريكم@تبدت روحي كاس ابكاع رملة اوصيف *اوصرت وياي
لحضة اوكمت اشوفك طيف*اطك راحة اعلى راحة اوحيل اصيحن حيف*انه هامة صبر واجفاك صار السيف*والف ياحيف*هذاايصيرتاليكم@سرت روحي اعلى طاريكم@
اوحسبتك بالوفة تعرف تجازيني*اوحسبتك فرحتي اودنياي واسنيني*جزاك اصبح تعذبني
اوتبجيني*وشل كل دمع عيني*اويبس دمي ابشراييني*واخاف اتكول ناسيكم @سرت روحي
اعلى طاريكم@اوحزني اعليك جن يشبه حزن يعقوب*بس فرق السنين ازغارذيج اوهاي شمعة
اتذوب*نبي اختارة الجليل اوفضلة اعلى الناس*يضرب بي مثل للناس حتى اتوب*
كافي امن الذنوب اذنوب*اخذعبرة يكلبي اوتوب*يالخلصت وكتك بالحزن مصيوب*
ونته اولا بعد تنشد@ولاكلبك يحن واترد@ولاطولك تشوفه العين@اوعين ابعين ليك اتصد
ولانار الحنين اوياي@تشعل والبرديشرد@ولاتعلك اشموع الليل@يمي اوصوتك ايغرد@
سريت ابضعن مابي ناس @كتلك ردولاتبعد@جفيت اوعاندتني ابهاي@صرت اوياي ضد
ابضد@نسيت الفضلك عالناس @ماتسال عليه واتود@ولاهزك ضميرك يوم عني ابيا
بخت تلبد@اخاف احجي اوتلوم الناس@عنك والحجينه اتعد@عبرة ابنهر كله اعتاب
تطك شترهم اوشتسد@يهالمبعد@الي اشماطابلك عود@ابجفاك الروح شالت والحنين
ايشد@تون تذكر لياليكم@اوتتخيل معانيكم@سرت روحي اعلى طاريكم@
اوروحي اتواخذت مابين كل الناس@اوصانت كل شرفهه ابوكت بي صار الشرف ينداس
الوجه لوفكدماية ابياكترينباس@لذجرك بالامانه ابحضرة العباس@واطشهه اعلى الخلك
وادري الخلك وهواس@ولاتغترترى الدنيه طخيخة راس@جساس اعلى ناكة اغتال اخية
اكليب@لجنهه اشلون صارت عاقبة جساس!@اوعلية اشماعليت اطخيخ@تريد اطيركوة
اشلون يانسناس@اعزك ادري اعزك بس معزة غيض@لن ادري ابدليلك بي جثير اجناس@!
اومقياس احترامي ايحير العراف@اومن غدرك تفلش وانتهى المقياس@انه اتحداك لعبة اوماكو
بيهه اشواط@اوياهوالبينه ياخذبالاخير الكاس@هاي افعال ماضيكم@بعدشيصيرتاليكم@
سرت روحي اعلى طاريكم@

( سرت روحي)ألشاعرعقيل ألشيباني _ألموصل_4\6\2009