مهدك هزيتـــه * وخالي لكيتـــه * يالمذبـــــــــــــوح
لوليت بحسـره * ودمعه وعبره * وأه ونــــــــــــوح
وخاصمت النوم الفكدك يبني * ومثلث نحــــرك لمدولبنــــــــــي
ـــــــــــــــــــ
أعاين عالمهد والكه المهد خالي * وتصب العين لجلك يبني يالغالي
بحظن أمك تعال ونام يالوالـــي * وخليني استعيد ابجيتــك أمالــــي
رد يبني الأمك * خلي تضمــــك* بالأحضــــــــــــان
وعالصدر تشيلك * وتلوليــــــــــك * بحله الحـــــــــــان
أغفه بأحضاني ولتفاركني * ومثلث نحرك لمدولبنـــــــــــــي
ــــــــــــــــــــ
يعبد الله ناغيلي وأناغيلــــــك * ومثل كل أم أرضعك وأرد الوليلك
ألك أيدي شتاكت رادت تشيلك * وتضمك عالصدر وأباه أنعيلــــــك
لمصابك أنعه * وأجري الدمعه * ودمعي دمـــــــوم
ومن سهم الصابك * وعله مصابـــه * عفت النـــــــــــوم
دوهني غيابك مو دوهني * ومثلث نحرك لمدولبنــــــــــي
ــــــــــــــــــــ
كوم أرضع حليبك در يماي العين * وجر من منحرك يالغالي سهم البين
يعبد الله منين البين أجاني منين * هظمني بذبحك وهد حيلي يبن حسين
كوم وحاجيني * وختقر عيني * بيك اليــــــــــــوم
وأكعد بحضاني * وزيل أحزاني* وكل لهمــــــــــوم
والمهد عليك بهم يسألنــي * ومثلث نحرك لمدولبنـــــــــــي
ـــــــــــــــــ
أجي يم المهد وبكلبي الحسره * واشوفن يمه يبني فاطمه الزهــره
تنادي وليدي شنهي الشافه من عمره * طفل بكماطه ويذبحونه من نحره
وتعرض شكواهه * وهم بلواهــه * لرب الكــــــــون
ياربي تنــــــادي * ذاب أفــــادي * وأنت العــــــــون
وعالهم الشفته أحــا صبرني * ومثلث نحره لمدولبنــــــــــــي
ــــــــــــــــــــ
بكسرضلعي أجيت أتكله من كبري* ومن شفتك نسيت أمصيبتي وكسري
بالمحسن أحيرن يبني ماأدري * أحيرن بيك يوليدي وبعد عمـــــــري
هَيّجت ألامي * وكلبي الدامي * لمصابيـــــــــــن
ينوح أعله المحسن * وعليك أيـون * يبن حســــــــــين
هاك أسمع نوحي وأهي و وني * ومثلث نحرك لمدولبنـــــــــــي
جدا::!!
نقاط
موضوع: قصيدة بحق الرضيع عليه السلام 
