ابوذيات جميلة بمناسبة ولادة الامام علي اسد الله الغالب عليه السلام

هل بميلاد ابو الحسنين .. مرحب
يبو وجه البشوش وصدر .. مرحب
درعك ما وصله يوم .. مرحب
يسيف القطع رووس الجاهلية

بحر انته وتظل للطيب .. حيدر
ومنو مثلك يظل للحين .. حيدر
اليمر ابضيج بس ايصيح .. حيدر
يصل باب الفرج قبل الشكيه

جيلك ماوصل فضلك .. ولن جيل
يصل ما نكَـدر انقيمك .. ولنجيل
علي وتوراة الك تشهد .. ولنجيل
ورؤى القرآن جمعن حيدرية

علي اوي ملك عرش الله .. مصفا
ولا واحد عرف سره .. مصفا
عليُ الدر والذهبُ .. المصفا
وباقي الناس تربان الوطية