يا مسجون اصبح شعله للاحرار
يا اعظم مثل للراد يتحرر
يا اصعب درس للقيد من يكون
اسهل من ورق بالماي يتكسر
يا ملجأ دموعي بزمن كله دموع
... اتكسر قطع وبابك اتجبر
ما اعرف شوصفك انته عندي هواي
امامي انته وصديقي العنده اضم السر
ما اكدر اعزي وليش اعزي الناس
موجود انته احسك بالصحن تفتر
تاخذ دمعة امي وكل كلب مهموم
يا مركز اجابة دعوة المضطر
شاهدنه الجسر يا سيدي ومولاي
مثل مجلس شهاده والجسر منبر
تتقاطع حروفي والشعر معذور
يا صورة شعر من صورتك اكبر؟؟
لذلك عجز شِعري وخاني التعبير
واجت ليك القصائد تمشي تتعثر
يا ذكرى واذكرك اني ما ناسيك
ما محتاج يوم برجب واتذكر
بس عندي طلب يا للحوائج باب
تذكر من يحبك ساعة المحشر
وتشفع لليحبك عد اله الكون
يفرج من همومي برحمته الاكبر
جدا::!!
نقاط
موضوع: يا مسجون اصبح شعله للاحرار 
