اقرة واستمتع بالابوذيات

الج بس انتي گلبـــــــــــــــي .. ورجيته
ودمع العـــــــــين يمــــــــــــــــــــــچ .. ورجيته
ابتعد كلمــــــــــــــــــــن نخيتــــــه .. والرجيته
ولا واحد اجانـي وحن عليه

ابوذيات عتاب
رعيتك ليش گلبــــــــــك .. ما رعاني
ويهمــــك فت دليلــــــــــــــــي .. وما رعاني
مره احبس بدمعــــــــــــــــي .. ومره اعاني
ومره اتطيح روحي ابين اديـــه

ابوذيات عتاب
هجرك يا ولف صاير بلا حد
مثل سيف اليكص ركبه بلا حد
كلتلي انتظري انه ارجع بالاحد
اجه الاحد يمته تعود اليه
ابوذيات عتاب

احد سجين صبري وجن ولا حد
التفت وما شفت ربعي ولا حد
اشجم سبت اليمر بيه والاحد
اجي بس شوفتج تصعب عليه

ابوذيات عتاب
لتهم بالعمر خلصان وحده
وانه ضعني سرا بالهوى وحده
حلت جنها بعيونك غير وحده
وكمت ما تسال ولا تمر بيه
ابوذيات عتاب

غيرج ما حله بعيني ولا طاب
ولا دونج دخل كلبي ولا طاب
يجرحي وياج لا هود ولا طاب
دم ينزف ولا تدرين بيه
ابوذيات عتاب

محبتك تجري وي روحي ويه دماي
وعليك انشلت اعظامي ويدماي
انجويت انه ابيد انه ناري ويدماي
ولكن من يطابكهن سويه
ابوذيات عتاب

عليج الروح راحت من يردها
و وكيحه همومي صارت من يردها
خطيه الروح ملت من يردها
لان بس الصبر يبسل عليه

ابوذيات عتاب

الا تظلم دليلي اياك وياك
انه طفيتك وجف الغير وياك
صدك من علي تهد وياك
اهد وافزع وطك بثنين اديه

شكثر هم بدليلي يامه عانه
وتعذب يامه ويامه عانه
يعمي انته معاهم يا معانه
تهد وتفازع وتاهت عليه

ابوذيات عتاب
عسا بعدك كصير العمر لا طال
يمن وجهك بعد عالعين لا طال
ردي حظي ولشخصك ابد لا طال
لون محظوظ كلك بين اديه
ابوذيات عتاب

صحبتك ليش كصرت ما طلتها
وانه الدنيا علمودك ما طلتها
جنتلك فرصه سهله ما طلتها
خصرتني بسبب بطرانك عليه
ابوذيات عتاب

امش مملوح غيرك يمشي فاهي
وعجز يوصل لوصفك يم شفاهي
لون توصل شفاهك يم شفاهي
الزك لو تحط جيلات بيه

ابوذيات عتاب
صديق الفاضلك بالطيب فضله
ومثل ما فضلك عالناس فضله
اشكره مو جزاته انكار فضله
يجيليك يوم هم تحتاج فيه

ابوذيات عتاب
على ربعي فلا كضيت حايه
عدل ما دورت فد يوم حايه
لجن وسفه بعضهم صار حيه
ناعم ملمسه وبيه الاذيه

ابوذيات عتاب
يامن فاركت شملي وشملاك
سمعنه والحجي يخصك وشملاك
اذا غيري وصل خدك وشملاك
حرام يبوس خد الجان اليه

ابوذيات عتاب

كلبي ما لعب غيره لعابه
واحسن شفه لمراضي لعابه
سبحان الذي صاغه لعابه
ونفخ بيه روح حته يعم عليه

ابوذيات عتاب
اجذب الكال عنك ومرة شفتك
العسل لسه بشفافي من رشفتك
الحذر لو ويه غيري مره شفتك
انتحر بيك واموتك بين اديه
ابوذيات عتاب

عيون الكلب يوم اجفاك يدمن
عفتني وصافحت يا ترف يدمن
انه المثلي على الحسرات يدمن
عسى انسا هواك شعمل بيه

ابوذيات عتاب

الدنيا اسيوف بظلــوعي .. سنتها
وقوانين التعب لجلـــــي .. سنتها
الوادم تحتفل بآخــــــــر .. سنتها
وأنه ابجي اعله العمر راح منديه
ابوذيات عتاب

الگلب ضل بس اهو وحـــده .. ورباه
يتيم وما لگه واحــــــــــــــد .. ورباه
منو المثلي أخ جرحــــــــــه .. ورباه
وكبرنه اعله القهر احنه سويه

ابوذيات عتاب

الوادم تنظر لجسمــــــي .. يروحاي
وأنه اموتاتني سكتــــــه .. يروحاي
ليش وبالعجل طحتـــــــي .. يروحاي
خلص صبرچ يروحي وخنتي بيه
ابوذيات عتاب

سچاچين الوكت بالــــــــروح .. بردن
واحس الجسم وكت الصيف .. بردان
انه بردنين رحـــــــــــت وأرد .. بردان
وأخاف الغربة تاخذ حتى اديـــــــــــه

ابوذيات عتاب

أمرني وألبيلك عسل بيك
عساهن بيه يفترن عسه البيك
حنضل لو ضكت خدي عسل بيك
ومن شفتك للنهد وجبه شهيه
ابوذيات عتاب

سجاجينك بوسط حشاي يعمن
وعيوني من البواجي عليك يعمن
شلش لعليوي من كال يعمن
عليوي حلو بس بيه الاذية
ابوذيات عتاب
سهول الناس عندي وانته راسي
سفن غركن ابحري وانته راسي
صديقي انته واخوي وتاج راسي
واعز منك ترة ماكو عليه
ابوذيات عتاب

قصيدة انتي وحرت اقرا صدرها
وبحر الشعر ما ضمها صدرها
اليسا ادوخ لو شافت صدرها
واضنها تكول هم كسرت عليه

ابوذيات عتاب
افرح لو شفت وجهك وسر بي
وحبك ثابت بكلبي وسر بي
شماطال الدرب امشيه واسر بي
واجيب الروح لعيونك هديه
ابوذيات عتاب
كلبي شم عطر خدج وراساج
وعلى مرسى العشك حطج ورساج
احلف بالغزل واهله وراسج
معوفنج لون تدنه المنيه
ابوذيات عتاب
اساس بعشرتي وياك صبيت
وجنني الهوى وبالشوك صبيت
اذا انته عليه ادموع صبيت
بجيت عيون من فركاك اليه
ابوذيات عتاب
اذوبن شمعه واتامل تمر مر
عزيز الكلب بفراكك تمرمر
اسالك هم ضكت مرة تمر مر
وانه البرحي انكلب حنضل عليه

ابوذيات عتاب
اذوبن لو شفت مرة خيالج
اريد بلا شعور ادخل خيالج
انتي مهره وانه الجايج خيالج
وعلى درب العشك تمشين بيه
ابوذيات عتاب

تلفاتج يدنيه من تلفني
وابيض ثوب روحي من تلفني
فرني شتلكه بيه من تلفني
غير الحزن ما ظل شي بديه
ابوذيات عتاب

حبيبي من الهوى نصلي ونصلاك
وواجب نعتني شخصك ونصلاك
نص مهجتي الي ونص لاك
وثلثين العقل والباقي اليه

ابوذيات عتاب

هام الكلب بيها من شفتها
وعرك خدي على خدها من شفتها
حرت اشلون اهد شفتي من شفتها
مثل كضت قفل وانلحمت عليه

ابوذيات عتاب
حبيبي شاخرك عني وماييت
الوسيعه ضاكت بعيني وما يت
طريح وناحل بهجرك وميت
ارحمني بصدت عيونك عليه

ابوذيات عتاب
روحي تكول عدله ما ني ميته
وعجب زرع الزرعته ما نميته
وهذا الليل كله ما نميته
فراك وحرمو وصلك عليه
ابوذيات عتاب

اسعد شخص بالدنيا من شفتها
وردت ما ترمش عيوني من شفتها
ردت اروي شفني من شفتها
حللت خدها وحرمت شفتها عليه

ابوذيات عتاب

تحله البوسه محبوبي من شفاك
عسل وتغمسه اشفافي من اشفاك
تطيب اعضاي كلها من اشفاك
لان شفتك دوة موصوف اليه

ابوذيات عتاب
اكتبلي شما ردت تكتب وردلك
بساتين بوسط روحي ورد لك
اغيب وابتعد وازعل وارد لك
لان الكلب بيدك مو بديه

ابوذيات عتاب


منقول


تحياتي