النملة الخنفشارية الأسطورية ومذكراتهااااااااااااا(اخوكم رئيس عصابة محششييييين)

سلامن إعليكم هواية كلش و رحمة الله و بركاته و بركاته و بركاته (4 مرات) نحييكم نحن محشش مكرش (بطن ذات نصف قطر 12 شبر) و العالم المخترع الوحش الدلوع (صاحب نظرية الارتواز بدون اهتزاز ) و نقدم لكم

الكتاب الذي ادخل مفاهيم جديدة

في عالم النمل

مذكرات نملة

(كفاحي)

الكتاب لصاحبه

(يتعذر ايجاد اسم النملة التي ألفتة و ان كان يعتقد انها ماتت بنعال تايه قياس 42)

ملاحظة 1- جميع الحقوق محفوظة (بعيدا عن متناول الاطفال) للناشرين محشش مكرش و الوحش الدلوع
ملاحظة 2- كتبت ملاحظة 1 اللابتوب جانت عال شحن لان الكهرباء الوطنية جانت الله كريم
ملاحظة 3- ملاحظة 1 اهم من ملاحظة 2 (جاية بالامتحان)
ملاحظة 4 - هيج ماكو شي

إهداء,,

الى كل نملة تعبت في احضار قطعة سكر (مال حصة) وقعت من فم طفلة ,,, الى كل نملة شهيدة استشهدت تحت طركة حذاء كيكرز ,,, الى كل نملة قرصت رجل بنية ضوجتها و انضربت بشحاطة و انلزكت بالحايط ,,
أهدي ثمرة جهدي هذا ,,,,,,,

نملة من هذا العالم

06-4-2009

اليوم كعدت الصبح ضايجة لان شعري متخربط حطيت جل و اطلعت من الزرف ,, و بالمناسبة اني عنواني جان محلة بلوعة مال مطبخ ,, زقاق ورة الفريزر ,, حفرة 6 قرب الكاشية اللي يم قنينة الغاز ,, بيبيتي (النملة ام عبادي) اخذتني لان صرت جبيرة و كالت اوديج سفرة ,, كتلها مو اني و صديقاتي بالكلية اتفقنا انسوي سفرة التخرج للهول ,, كالتلي لا بنتي خطرة ,, ابو البيت يلبس 45 ,, لو نسيتي فائزة الله يرحمها؟؟ ظلت ملزوكة بالطركة 6 ايام الى ان كدرنا انحصل جثتها و دفناها بالسر جوة زولية الممر الخضرة؟؟ اني اقتنعت و كلنا نتفق على موعد انروح بي اني و بيبيتي ,,

8-4-2009

اليوم جتي الحصة ,, كلنا طلعنا و انتشرنا ورة ما لكينا 4 قطع تمن بالكاع و اني الثولة شلت قطعة شكر و كيفت بيها تالي طلعت قطعة مال ملح ,, اني هم معذورة لان جنت فلونزا و خشمي مسدود ,, ملاحظة (دا احس بفقرة ظهري دا توجعني (طبعا فقرة مو فقرات لان اني نملة و هية بس هال وحدة شعندي نملة اني لو زرافة) ورحت ع الصيدلية مال النمل وأخذت حب بندول و اجرت ابو بيكب نمل جوارينا شالياها للبيت,, اني من طبعي نباتية ,, لهذا ما شاركت بالعزيمة مال نملة سناء لمن عزمتنا على صرصر ميت صادو بصف الشطافة مال حمام الورة قبل اسبوع ,,, و بالطريق شفت حبيبي فادي جان لابس كيمونة حمرة و هوة اسود حياتي يخبل طالع جنة بلايس وخطية جان هو دائماً يقلد افلام كارتون فيردي ,, غمزتلة جان يشمرلي الرقم على كشر مال حب شمسي قمر ,, اخذتة و رجعت للزرف بس اني حسبالي هذا رقم الموبايل بس بعدين طلع رقم السيارة مالته إلي چان مسويهة من من گشر حب وخلي تايراتهة من النوى مال الزيتون !!!حاولت اخابر حصلت طلعلي المحرك كليفادي مو هنا عندة مباراة مصارعة حرة مع صرصر ضمن دوري الحشرات الدرجة الممتازة ,,

10-4-2009

اليوم هلاهل ببيت ابو سعد ,, طلعت چنتهم امينة زوجة رعد أخو سعد متحولة لغير زرف (ورة المغسلة مال حمام غرفة الخطار) لأن عزلت عن عيالهة !! و جبتلها هدية دكمة مالقميص علكتها كساعة جدارية بالحايط بس ما اشتغلت لأن هي المفروض تشتغل على أشعة الشمس بس عينكم ولا تشوف شلون تمارة مرة سعد فرحانة من طلعت امينة من البيت (وچانت تغني "ظل الزرف لمطيره طارت بيه فرد طيره(

11-4-2009

بهذا اليوم حلت كارثة عند جيراننا أم ليث من إجه ابو البيت إلي خاتلين بيه همة وچان جايب وياه ديتول وعملاق وعالگهة لأن چان منتظر يجون خطابه على بنته العوبة وهو طلع ظيم الدنيا كله بأم ليث وبنتهة سرى (بالمناسبة چانت أم ليث معلمة والجهال مال النمل كله متجمع يمهم) وبهاي الاثناء اجه ابو البيت وذب الديتول والعملاق عليهم جاب فوكاه دوة مال أرضة (أرضة لو أزعل) وصارت كارثة وبعدهة أعلن النمل الحداد والنجار 3 أيام وترك كل الاعمال والمتعلقات في ايام الحداد !!

12-4-2009

في هذا اليوم الذي كان أحد ايام الحداد ,, تنبأت في حادثة وفاتي وهي أن أتلقى نعالاً تائهاً قياس 42 في القريب العاجل لكني تناسيت الموقف وأعتبرته مجرد كابوس عابر ليس له اي احتمالية صحة وقررت مزاولة اعمالي دون حذر لكن في ذلك اليوم كان الحداد سائدا ومكثت في البيت ..

14-4-2009

اليوم رحنا لجلسة تأبين النملة سوزي , والله خوش كعدة جانت مسويها جوة حذاء صاحب البيت التك اليسرة ,, خطية سوزي شافت نكرة جبيرة عبالها زرف بالحايط ,, فاتت طلع خشم بت صاحب البيت , شالتها بعطسة انزلكت بالسجة مال بردة ,, وظلت هناك يومين علسها عنكبوت ,, كلش انقهرت لان جنت اطلبها قطعتين تمن انطيتها كمهر لعرسها ,, و وراها رحنا للعزة مال ام وسن جيرانا وإلي توفت بقدر ما محسوب وهو انه راحت تجيب قطعة سكر من الكونية ولكن للأسف اجه ابو البيت وغرف شكر (يعني سكر "بس بعده صاحي") وصب الشكر بالاستكان وصب الچاي فوكاه (كما يقول الراوي "الراوي مو الحديثي" ) والنملة أم وسن أنصمط أبو أبوهة !! وفوكاهة ما حصلنا ع الجثة مالتهة ,, لأن أبو البيت ذب الچاي بالمغسلة مال السنك (السنك مو الخلاني وسنك مو عمرك ولا سنك الي بحلكك ,, السنك هو فد شي يخلون بيه شياء) !!

و اخيرا نقول

النمل يعيش فردي وزوجي وصاحبة الكتاب من النمل الذي يعيش في ايام الزوجي فقط !! وبالفردي ينام !! وحتى حلم ميحلم !!

- تمت بعون الله -

إعداد
)محشش مكرش & الوحش الدلوع)

اخوكم رئيس عصابة محششييييييييين

اوي يمه حطت جل لشعرها

هههههههه

احلى مذكرات 14-4-2009

مشكور صطوف

النملة الخنفشارية الأسطورية ومذكراتهااااااااااااا(اخوكم رئيس عصابة محششييييين) 908323

نعسانه مابيه اقرا لين بكرا

يسلمووو مقدما

يسلمو شيئ جميل وتحشيش اجمل هع

اسمعو هاي الجديده اكو فد واحد محشش اتصل على تليفون طلعتلة بنية كال الها منو بيت ام سععد كالتله لا كالهة جاليش اتفتحين التليفون هههههههههه حلو مو

اقوى 3 نوادي رياضية في العراق : نادي الزوراء ,,,,,نادي الصيد ,,,,,و نادي على أخوك لاينسحك

ليش الزرافة ما عدها شعر؟؟؟ لأن المي ما يصعد عدها ليفوك

أثبت العلماء عملياأن مزج بذرتي خيار و طماطة و دمجهما معا يساعد على زرعمها و تكوين شجرة زلاطة حيث تظهر الثمار بشكل كاسات صغيرة تحتوي على كمية من الزلاطة الصالحة لاكل

واحد بلع موس جرح مشاعره
واحد اشترة فديو باع التلفزيون
واحد بلع سفنجة نشف ريگه
واحد من حلاة روحة دبگ
واحد شرب گهوة غص بالكراسي
واحد راح لراس الشارع ملگاه
واحد طب زار طلع طاولي
واحد اجتة ضربة تايهة دلاها
واحد طب سبح طلع گلايد
واحد انطفت جگارته دفعها
واحد مرته بيضة طگها بالدهن
واحد وگف گلبه شغله چطل

واحد مرته صينية قدم بيها چاي
واحد طلع ومن يرجع أكملك
واحد راح لباب الشرجي لگاه مسدود
واحد احترگت أعصابه انچوه
واحد راد يبني مستقبله ملگه طابوگ
واحد عيونه خضر شرهم على الحبل
واحد سچينته عمية لبسها مناظر
واحد نصه التلفزيون عبر من فوگاه
واحد دشداشته عريضة شدلها طابع
واحد لبس عسكري شافه ضيق نزعه
واحد ضرب دالغه كتلها بمكانها
واحد ضربه الهوا تعارك وياه
واحد گعد وية نفسة مقبلت
واحد طبگ حسه وخلاه بالكنتور
واحد طار النوم من عينه ركض وراه

واحد فاته الوكت اخذ تكسي وراح وراه
واحد شد حيله انگطع
واحد أكل شيش كباب زنجر بطنه
واحد قدم عريضة طلعت رفيعة
واحد ضغط على نفسه انكسرت
واحد الفار لعب بعبه ذبله مصياده
واحد رسم دائرة وتعين بيها
واحد سوا خطة حصر نفسه
واحد راح للشعلة لگاها مطفية
واحد راح يشتري ساعة شافه غالية اشتره خمس دقايق
واحد.. الفگر ثاوله.. ضحك للدنية تفلت بوجهه
شرطي الله وفقه چان يفتح مركز
واحد وكل محامي جان يعض أيده
واحد راد يخطب جيرانة السماعة عطلت
ثنين راحوا للحلاق واحد خفف واحد طلع گبل

واحد راد يصير إرهابي خطف أبنه
واحد أتزوج بيضة سلگها و أكلها
مره واحد نام متأخر چان يلگة الحلم بادي
واحد راح لراس الشارع شافَه أصلع
واحد طلعت روحه حتّى تشتم هوا
وحدة جابت توم ،والثانية جابت جيري
روحه طفرت چان تنكسر رجلهة واحد
واحد فقد توازنه ... راح يدور عليه
واحد راد يفكر بعمق .. غرگ
واحد لگة سچينه عميه ... عبرها الشارع
واحد طلعت روحه سد وراها الباب