احبك!!!!!!!!!!!

موضوع: احبك!!!!!!!!!!! الأربعاء سبتمبر 07, 2011 10:52 am

ما اضن بالبشر مثلي من صدك لو راد يهوه

وما اضن يشبهني واحد لو عشك يعشك ابقوه

انه كلبي اعشكه واضح لان عندي العشك سلوه

وانه حبي دومه صافي ابد ما خبطته النزوه

لذا ولفي ارد اخبره مقعد ابكلبي ايتبوه

وارد اصيح ابعالي حسي بهالعشك شفت انه نشوه

وارد اكله انه احبك وانته الي يا ولفي ادوه

وارد اكله اجروحي تشفه من تمر عالبال طروه

وارد اكله والله احبك والله احبك هيه كوه

لان كل ليله امنذكرك للصبح ابقه اتلوه

ولان عيني من اسولف بيك تبجي منتفوه

ولان كلبي من يشاهد صورتك منعدها يروه

ولان فكري ما يعوفك بيك بس الفكره حلوه

انته محبوبي وحياتي وبعدك الدنيه متسوه

انته شجرة عشك خضره دوم ما عرفت القسوه

وانته نور العيني واقسم من ضيائك ماكو اضوه

والله احبك وابقه احبك لو اطيح ابميت بلوه

والله احبك وبقه انه لجلك بنار اتجوه

والله احبك ورضه اموتن وانذر بكل عالي اهوه

ولو خوت دنياي مني من غرامك ماضن اخوه

ارضه اهلك ارضه اضيعن كلها الي من هجرك اشوه

ارجوك لا تتركني احلفك بالنبي ادم وحوه

حيل انه احبك والكلب بس حبك انوه

اي وحق عترت محمد غير شخصك ماني اهوه

كلامك رائع جدا وانتي بعد الاروع اختي

تقبلي مروري وتحياتي

صاحبة الحرف المتألق
و ملكةالقلم الذهبي الرائع.
( نجمات الليل)
تحية معطرة بالورد أهديها إليكِ
كم يسعدني دوما ان اري هذا النزف الرائع الجميل
فاعجز عن شكر على كل ما تخطه أناملكِ الذهبيه
وما يتدفق من حبركِ العطر
فيض من المشاعر والاحاسيس الجميله ..
عزيزتي كم تمتعت وتلذذت بهذه العبارات المتسلسله
والنغمات الملحنه بنفسها
ربما الاسلبوب الذي
اتبعتيه ونهجتيه على نهجه
من النوع البسيط والسهل
ويمتاز بلذذه في تذوقه..
فهنياً لنا بهذا القلم الساحر
والذي سحرنا جميعنا
احساس رائع وتعبير جميل..
دمتِ بحب وسعاده ..
تقبلي ودي....وهذا ردي

موضوع: رد: احبك!!!!!!!!!!! الخميس سبتمبر 08, 2011 9:36 am

لكم مني اطيب تحيه معطره بلمسك والعنبر تحملها حمامه السلام عبر شاشتي لتاتيكم وتحييكم اشكر لكم مروركم وردودكم المتالقه دوما