برج الحمل(ستتاح لك فرصة عمل ثمينة مع قدوم موجة الحر الطارئة مثل مهن بيع قوالب الثلج _ابوالبواري برد كلبك





برج الثور (يحالفك الحض هذا الصيف بسكن الجايجي مال وزارة الكهرباء في منطقتك وبذلك تنعم بصيف بارد وكهرباء 24 ساعة (بخت)





برج الجوزاء (تذهب الى عملك متاخرا وذلك بسبب سهرك طوال اليل على تحويل الكهرباء وطنية مولدة _مولدة وطنية (تشتغل جينج اوفر حضرتك)



برج السرطان ( هذا ما ستردده هذا الاسبوع لان جيرانكم سيسرق خط اشتراك مال مولدة ليشاهد مبارة برشلونة ومانشيستر (كومة حجار ولا هالجار)




برج الاسد(تجنب اكل الدوندرمة والازبري في هذا الصيف خوفا من التهاب اللوزتين)




برج العذراء(تنعمين بهذا الصيف بتنمي عضلات ارسخ والذراع بسبب استخدام المهافيف اليدوية مما تجعل المستخدم اكثر قدرة في التغلب على خصومة في العركات (وخاصة في كفش الشعر)






برج الميزان(اذا لقيت الثلاجة تشتغل والمروحة تطفي والتلفزيون يشتغل والنور يطفي فااعرف انك مجطل على اشارة المرور




برج العقرب(تعود من عملك بعد يوم حر شديد وتجد ام الجهال طابختلك ثريد (الف عافية)بنص الحررررر






برج القوس (تنعم بيوم هادى مليئ بالفراشات وزقزقة العصافير والهواء البارد المنعش تفزمن نومك على صوت انفجار موالدى المنطقة ومن بعدها تشكل بيك كابة




برج الجدي(سيحالفك الحض هذا الاسبوع وتشتري مهفة وتحصل على لايت 4 باتريات وسط مجانا)




برج الحوت (تتغزل بالحبيبة وتكول (يال مالج اثر وجمالة جانة الصيف دكولي اشلون ماتتغير الحالة هم نبقة ندور شيشة للفانوس لو نبقة نشم دخان الالة)





برج الدلو(حكمة الفلك لك اليوم (((استعمل مهفة الاحلام وخابرني اذا تكدر اتنام)))

برج الحمل(ستتاح لك فرصة عمل ثمينة مع قدوم موجة الحر الطارئة مثل مهن بيع قوالب الثلج _ابوالبواري برد كلبك
ههههههههههههه
عاشت ايديج هع
بس شنو هالمهن مترهم للمراه هع
هع
الله كريم
شر البليه مايضحكوا
الله ع هيج حكومه خلتنا نضحك من القهر هع

برج الدلو(حكمة الفلك لك اليوم (((استعمل مهفة الاحلام وخابرني اذا تكدر اتنام)))
خخخخخ اكو سحب ليلي الله يخلي النا عاااا يعني راح انام بس ما اخابرج بل الكوه ملحك ع الرصيد وميحتاج اصلا انتي عرفتي بعد

موضوع رائع والفكره حلوه

تحياتي

سمارا كتب:

برج الحمل(ستتاح لك فرصة عمل ثمينة مع قدوم موجة الحر الطارئة مثل مهن بيع قوالب الثلج _ابوالبواري برد كلبك
ههههههههههههه
عاشت ايديج هع
بس شنو هالمهن مترهم للمراه هع
هع
الله كريم
شر البليه مايضحكوا
الله ع هيج حكومه خلتنا نضحك من القهر هع

هههههههههههههههه خيتي انتي مو ويه حرية المرأه والمساواه يله هاي موساواه روحوا بيعوا بانزين وثلج ع لمود تحصلون مساواه خخخخخخ من تصير صدك يكلون ها مهن متليق بل المرأه لعد انتوا ليش طالبتوا مساواه بل البدايه

شي حلو يعني خط المولد مالنه راح انعلس يله خل يستمتعون بلمبارات خطيه
اني اشجع برشلونه اروح يمهم اشوفهه خخخخخخخ