عباس عباس
***
عباس شيعه احنه عتنينه زيارتك ***وبيد هاي الزلم اترف رايتــــــــــك
يالي وافيت ونعم من خوتــــــــك*** تحزمنه والله نريد نوصل حضـــرتك
نقسم بحيدر علي لازم انطوف الولي
عباس عباس
***
خل يفجرونه ونطيح على الدرب*** مايهمنه ارهاب ميهمنه رعـــــــــب
نزحف زحوف وعلي وعلى الركب** بس نصلي بحضرته يروح التعـــــب
بالكلب تلهب جمرتي دم جره من دمعتي
عباس عباس
***
نطبر الهامه ونجيك مخضبين*** نلطم اعلى الوجه كلنه ثائريـــــــــن
بركضت طويريج نصرخ ياحسين** شما نسوي شما ندك مقصريـــــن
انواسي جينه ام الحسين وزينب وام البنين
عباس عباس
***
ماننسه عملت كربله بيوم الطفوف**بدمنه نوالي حسين ولا مانعوف
نقسم براس الكمر وبكطع الجفوف**وبوصالح شاهد بعينه يشـــــوف
وفايه جينه زاحفين نمشي نصرخ ياحسين
عباس عباس
***
انواسي جينه المهدي ونواسي البتول*ونعزي جينه المرتضى وطه الرسول
سائرين احنه وحك فحل الفحـــــــــــول*مايهمنه الناصبي وشمايكــــــــــول
يفجر وماننتهي لاوحك حيدرعلي
عباس عباس
****
خادمكم ابوفزع الحلفي