ماننساج يازينب يا مظلومــــــــة
ماننسه الجره والصار بالحومــــة
مسبيه وعلى العباس مهظومة
من كطعو اجفوفه***ياحيدر دشوفه
صابو كربته والعيله محرومـــــــــة
**********
يا ام المصايب والكلب ملجــــــــوم
يمج تحضر امج والضلع مالــــــــوم
يمه شفت ابو السجاد رد مهمــــوم
من طاح ابو النوماس****ياوسفه يا عباس
نكسر ظهر الحسين وزادت همــــــومه
***********
عبد الله الرضيع انــــــذبح ياليلــــــــــه
كبل ساعه يا زينب جنت الوليلــــــــــه
فطر كلبه العطش وانـــه اناغيلـــــــــه
كلبه من العطش ذاب***وينك ياداحي الباب
تاليه بسهم مسمــــــــوم يزكـونــــــه
************
ابو السجاد طايح والنحر مذبــــــــــوح
عمت عيني عليك شلون خويه تـروح
طايح عالثره ومليان جسمه جــــــروح
ياخويه شلون بينه*****تاليه نسبينه
حرم وطفال تصرخ وين حامينـــــــــــــه
*************
ابوفاضل انه اختك رحت مسبيـــــــــه
ماتكعد ياخويه وشــــوفني شبيــــــه
شحمل يا مصيبه وحيـــــــــل ما بيــــه
دم قاسم والكبر******ياخويه الله واكبر
الدهر شيريد مني وشنهي تاليـــــــــه
******************

خادم اهل البيت
ابو فزع الحلفي

قصيدة رائعة بحق

السلام عليك يازينب الكبرى

شكرا جزيلا اخونا وشاعرنا ابو فزع الحلفي

ادامك الله لخدمة الحسين

وجعل مثواك الجنة

تقبل تحيتي