عفيه ابني الذي صان الوصيه يوم الغاضريه
وفه العمه وغفه ابحضن المنيه يوم الغاضريه
ربيتك يجاسم وتعبت برباك لتخيب اضنوني
ياشبل الحسن تدري الحسن ضماك ياسلوة اعيوني
اليوم بكربله لعمك تضحي ادماك بدمك يحنوني
يبني وهاذا يومك وتنطر اعلومك
لصيرلج درع لبن الزجيه
لعد عمه تعنه وصاريمه ابيمناه راد الاذن منه
ماضل صبر عندي ارخصني ياعماه وحب ايده وتدنه
اتمنى الشهاده اليوم اتمنا لاتحرمني منه
كله ارشد يجاسم ياشبل الهواشم
ييمه ولا يضل بالج عليه
هز الكون جاسم زلزل الميدان ماهمه جمعه
يذكرهم ابجده الجندل الفرسان شجره احنه وفرعه
جدي الطبع ابسيفه الانس والجان وخيبر من شلعه
انه ابن الاسد ذاك البيده دار الافلاك
وجدي المصطفى خير البريه
شبه البدر جاسم من نزل للكون ضوه اعله الوطيه
يشع نوره وجماله جالدرر مكنون شبل ابن الزجيه
طاهر وبن طاهر كال كلشي ايهون بدمي اوفي الوصيه
ماقصر جهاده وتمنه الشهاده
حد بركابهم سيف المنيه
لعب جوله ابن حيدر ونعم منه وذبح منهم العينه
صال وجال بيهم وشردت عنه جن صولة علينه
انكطع نعله حسافه ابساعة المحنه وصابه ابن العينه
بغفله النذل صابه وبيه ثكل اصوابه
طبر راسه وكع فوك الثنيه
خادم اهل البيت الحسيني
عدنان الحاج وريوش الساعدي
جدا::!!
نقاط
موضوع: عفيه ابني الذي صان الوصية