عني وين رايح ياكمر عني

عني وين رايح ياكمر عنــي
جود الماي بيدك ونته جافلني
جافلني يخويه وعني رايح وين
اخافن بيك ياخويه يطكني البين
انته الدرع وحزام الظهر لحسين
جاوبني ياخويه بالله جاوبني
جاوبني يخويه ورد عليه جواب
من كثر النوايب بيه الف اصواب
غدرت كربله بشيب ورضيع اوشاب
ناوي أعلى الشريعه ولها متعني
متعني يخويه اشلون عني تروح
وانه معلعله وعندي كلب مجروح
شلون اتعوفني خويه ابهظم وبنوح
اليتامه والحرم والعطش جاتلني
جاتلني اخيي وبيه جبد مطعون
العطش ذبل جبدته وماكو عنده عون
بعدك يعباس يصيب كلبي أجنون
وين أتروح مني وكلبي لاجمني


الشاعرالحسيني
عدنان الحاج وريوش الساعدي