يازينب يازينب

الكسر ضلعج ************كسر ضلعي
******ييمه ومابطل دمعي*********
********************************
ييمه او لو دريتي الصار******ضعن الآخو من حدر
اجروح اربعه الفركاكم****** انه الياجرح اكدر
وصلنه الغاضريه اهناك***** يمه وشفت جيش الشر
علم كلبي النوايب هاي**** ونه شبيدي على امكدر
ونه ابطاريج********أحسن بيج*****صب دمعج كبل دمعي
******************************************
وفجر العاشر ابعاشور******* ياريت الفجر مالاح
أخوي ونصح جمع ألكوم**** ردوله الجواب ارماح
بدوا حرب اعلى ابو السجاد** واللدم يضحك السفاح
اسيوف اشرعت وسهام**** وهاجت خيله ابمصباح
ييمه اضناج****** وحزن فركاج*****علي نار الحرب تسعي
**********************************************
ييمه وبينه جارالكوم****** او عنه اكطعوا يمه الماي
عطش يمه وسموم وحر*** ونار الحرب بين احشاي
راحو كل هلي يمه******* بين امبارز او حماي
ملتني الغاضريه اجروح**** وكل كتر ابنزيف اعظاي
لجل عيناج****** وفوا لضناج***** وكل لحظه جتيل انعي
********************************************
ييمه وعن اخوي الحيد***** ابو فاضل كفوا منه
كمر هاشم ابمتنه الجود**** الصوب العلكمي اتعنه
كال اليوم اجيب الماي****** وفنه الي كرب فنه
ترس جوده او مضاك الماي**** وابدأ ماشرب منه
وفي من اصباه***** اسد ملكاه***** اخوي وبالخطر درعي
**********************************************
اخوي وترس جود الماي****** اوراد ايوصله لحدوده
جلت كوم اميه اعليه***** ابغدرهم باكوا ازنوده
وسهم ياوسفه صاب العين*** وسهم ياوسفتي ابجوده
اوراسه بالعمود انصاب***** طاح اوفه مكصوده
كمرهاشم*****بكه نايم****** على الغبره وكسر ظلعي
*******************************************
ييمه او ضل اخوي حسين**** لاناصر اله ولامعين
تعنه الكوم راد الماي***** العبدالله رضيع حسين
لن سهم المكدر صاب**** نحره ورفرف المسكين
جابه للخيم مكسور***** وبيه منبوت سهم البين
الطفل ويلي***** هدم حيلي ****ويتامه من الحزن تلعي
**********************************************

الشاعر خادم اهل البيت
عدنان الحاج وريوش الساعدي