عالمشرعة العباس ********** طاحن زنوده
امحير يريد الماي*********** يوصل حدوده
احايسهم العين*********** وياكطعة الجفين
يا ابا الحسن مصيوب شبلك وجودة
***********************************
محير يدير العين ********** صوب ابو اليمه
وحده يضل والكوم********* تطلب ابدمه
صابه العمود وطاح************ ولحسين اخيه صاح
اتعنه ودموع العين شكن اخدودة
******************************************
وبحضنه حطة احسين********** يمسح جبينه
وبيدة تلكة احسين ************* دمع البعينه
همهم يشيله او كال*********** خلني اعله هذا الحال
خان الدهر يحسين خان بعهودة
***********************************************
ياخويه خلني اهناه*********** نايم علة الكاع
ادريها روضة اتصير************* بسيوف السباع
باذن الله نوفي الدين************* وعلى الاثر ياحسين
نتلاكه بيض وجوه والكفر سودة
**********************************************
كسر الضلع عباس*********** ياهو اليجبره
وانته الضلع لحسين*********** من بعد صبره
ياخويه شنهو الماي***************** رايد تروح او ياي
والغدر ياعباس موفخر زودة
***********************************************
نشكيله للمختار********** غدر ال اميه
دوروا ثار ابثار************ لبن الزجيه
دارت عليه الكوم**************** وزينب عليه اتحوم
شي يواجه المختار للذبح عودة
********************************************

الشاعر خادم اهل البيت
عدنان الحاج وريوش الساعدي