جبدالحسن ذاب بالسم ياحيدر
وبطشت هاليوم جبدة توذر
مسموم ابن حامي الحمه********وعلتة ثجيله
ودمع العقيله من دم تهيله
الحسن سبط النبي الهادي وعلي وريحانة الزهرة
وبحر من الجود فايض بالكرم معروف قدرة
هذا ابن ليث الملاحم اليوصفه يحتار بامرة
بحضن الرساله ترعرعت وعلم الامامه شرعت
ومن فاطمه الطيبه ارضعت وهالخصال اصبحن ثمرة
وتكونت بيك يانور الانوار*وضلت معانيك تحيرالافكار
وجود وشهامه ومرجله**وعز وفضيله
ودمع العقيله** من دم تهيله

حفظت بيان الرساله يوم رادوا يهدمونه
وحملت كل المواجع والصبر جان الك عونه
وبحلم جدك محمد المنبنه الاسلام دونه
كاموا يحركون الفتن وبسرهم الهادي امتحن
دسولك السم يالحسن بثارحيدر يطلبونه
من بدر وحنين دفنواحقدهم*وبالعتره الاطهارشنوحربهم
وكطعوا بالسم جبدته***ومردوادليله
ودمع العقيله********من دم تهيله
هالله هالله بكلب زينب بالطشت شافت جبدته
موذر بسم ال امية يلوب من شدة حركته
شافها يهل دمع اخته صبر عليها بمحنته
يختي تحلي بالصبرهالموت حك بينه وامر
من الباري حدهذا العمريصبر ومخفيها ونته
والغدر مورث عندال امية*وكل همي عالجاي بالغاضرية
وزينب وديعة والدي*حامي دخيله
ودمع العقيله****من دم تهيله
الشاعرالحسيني
عدنان الحاج وريوش الساعدي