يم المصايب***********شفتي العجايب
نصين كلبج منجسم هم ونوايب
مستارثه من امج حزن والكلب ذايب
شفتي العجايب*********يم المصايب
********************************
شكثر لوعات ومصايب حمل كلبج يالعقيله
ايساعدج الله ويعينج ياجرح كلبج يشيله
اشما اريد احسب وعدهن كلهن اجروحج ثجيله
يم المصايب والمحن وجروح كلبج خزنن
من البجي عيونج مولحن والحزن ليله اعله ليله
وبفكد جدج اول مصيبه**والثاني امج زودلهيبه
وثنينهن يدن سوه بفكد الحبايب
شفتي العجايب******************يم المصايب
****************************************
أخ ياجرحج الثالث من نهدم ركن الهدايه
شاركت جبريل ونتج وصرخ محراب الولايه
اشكال كلبج من سمعتي بحيدر وغدر المنايه
حيلج تضعضع ونهدم وجرح الذي كبله الجم
لوحجر هم جان انثلم يساعدج رب البريه
وسهم الحسن صار رابع اجروحج** وبنوح يعكوب مالحك نوحج
حي يوسف ورد الهله من جان غايب
شفتي العجايب*********** يم المصايب
*********************************************
وخامس اجروحج يزينب يوم طف الغاضريه
من وصل ضعن ابو اليمه بهله واصحاب الحميه
دورت ثارات اميه بحيدر امن ابن الزجيه
كلهن عليج اجمعن واجروحج الماضن غفن
هيهات ابد ما هودن هاجن ونزفن سويه
سيف الغدر صاب باهلج والاصحاب** واهل الشيم هاي متوسدةالتراب
واهواي اخذ منهة الدهر خله وكرايب
شفتي العجايب******************يم المصايب
*********************************************
ابكل كنر تنزف اجروحج املوعات بسكم نوحج
وكوز المكدر يزينب سهمه كل لحظه يلوحج
لاخبر رد من جفيلج ذاك المعلك ابروحج
من العلكمي ما رد خبر من راح ما رد الكمر
خبري ابن خير البشر خلي يشارك نوحي ونوحج
عالمشرعه انصاب عباس ابوالزود*والعلم والجودطاحن والزنود
وبعمود راسه منجسم والجبد ذايب
شفتي العجايب******************* يم المصايب
*******************************************
او بالرضيع شلون حالج اوحرمله صوب ابسهمه
اتغسل ابدم الشهادة ابحضن ابوه ونزف دمه
الخيمتج جاباه يزينب صعبه يدري اتشوفه امه
يدريج اهل للفاجعه وبكل مصيبه املوعه
للباري شال ايده ودعه وشال همج فوك همه
يدري الصبرفاض همه وتبده**ومن كثر الجروح متعدي حده
للصبرحد وينتهي او صبرج عجايب
شفتي العجايب******************* يم المصايب
*******************************************
وجرحج الاكبر يزينب يوم طاح حسين ظامي
والشمر حز راسه بيده وظل وريدحسين دامي
وحركت انوب المخيم او مابكه للعيله حامي
لاضل حمه ولاظل ولي ظليتي تنخين بعلي
وبالحرم كلبج مبتلي امصوب ابسهم المرامي
وضعن اليسر سار للكوفه والشام**وظليتي ترعين نسوان ويتام
يضحك يزيد بمجلسه وانتن غرايب
شفتي العجايب ************** يم المصايب
******************************************
ابشيعتج نصبو مجازر يالعقيله اعلى الهويه
من اميه احفاد صارت او سيرته اليهوديه
ابحبكم اركاب احصدوها محمله احقاد ورديه
مادام للمذهب ولي كل ظلمه حتما تنجلي
تنزاح من تندب علي وهو حماي الحميه
وبحب علي انموت بدرب الولايه** سر حبكم انوار بينه وهدايه
بسر حبكم اذنوب انمحت والكفر خايب
شفتي العجايب*************يم المصايب
*********************************************
لخادم اهل البيت
عدنان الحاج وريوش الساعدي
جدا::!!
نقاط
موضوع: يم المصايب شفتي العجايب