انتظر ياوالي تنشدني

اتنطــــــر يــــوالي ** تنشدني على حالي ** تمشي بالسبي يا حيدر وياي
اتنطــــــر يــــوالي ** تنشدني على حالي ** تمشي بالسبي يا حيدر وياي
************************************************** **********
اريدك يــا علي ** تحضـــــــر كربله ** وتشوف الفواطم والمچاتيل
مصابيح الهدى ** راس على الرمح ** يقرالك ســــــور ربك تراتيل
كعـــــبه تهدمت ** يا رب العـــــرش ** انشــدك لا حجاره ولا أبابيل

يذبحــــون الامامه ** يقهـــرون اليتامــه ** سبيه للكفــــــر خلتني دنياي
اتنطــــــر يــــوالي ** تنشدني على حالي ** تمشي بالسبي يا حيدر وياي
************************************************** ***********
جرت عيني الدمع ** أعاين بالســمه ** محمد فاطمه وحيدر ينظـرون
اونن واشـــــــتكي ** اسيره وبالحبل ** عجيبه يا اهلنه من تصـبرون
يتـــــــامه بلا ولي ** عطاشه وللنهر ** يكسرون الگلب يوم اليعبرون

يطلبون ومنعــــهم ** يصب يمطر دمعهم ** يزيد وجيشه يمنع عنهم الماي
اتنطــــــر يــــوالي ** تنشدني على حالي ** تمشــــي بالسبي يا حيدر وياي
************************************************** *************
مســــــافه والارض ** تطويها الحـرم ** وعيـــــون الغــرب تنظر يكرار
صعب تدري الوضع ** ابد لا مو سهل ** اصعب من حرگ خيمتنه بالنار
شســــــولف يا قهر ** بنات المصطفى ** سبايه وكل حراير حامي الجار

محمد والرســـــاله ** بحبــــــال الضلاله ** يعانون الجرح حيدر يمولاي
اتنطــــــر يــــوالي ** تنشدني على حالي ** تمشي بالسبي يا حيدر وياي
************************************************** *************
اصيحــن كل وكت ** وسمِّـــــــع والدي ** صفه ضلعي مثل ضلع امي مكسور

بچه لحالي الحزن ** كسر ضلعي القهر ** صرت خيط بشمـع بصواني عاشور
أذوبــــن وأحترگ ** لچــــــن ما أنطفي ** لان نــــــــورك يبويه بزينب النــور

مصابيح الهــــدايه ** رغم ليل الســـبايه ** اظل امشي بصبر ما شمِّت عداي
اتنطــــــر يــــوالي ** تنشدني على حالي ** تمشـــــــي بالسبي يا حيدر وياي
************************************************** **************
تمنيت الگــــــمـر ** حاضر بالجرى ** اخوي وحگي اگـولن وينه عباس
كفيــــــلي واللقب ** سبع الگنطــره ** ما تجهــــــل مقامه وتشهد الناس
على راس السبط ** رقيه مـن غفت ** ما شالت جسم لا حركت راس

صفـــت بابي رقيه ** اون صبح ومســيه ** وانوحن يا علي والونه بهداي
اتنطــــــر يــــوالي ** تنشدني على حالي ** تمشــــي بالسبي يا حيدر وياي
**************************************************
الشاعرالحسيني
محمد المالكي