نعتني لضريح حسين *** نكتب بدمـــــوع العين
لا إله الا الله
************
مصـــــــيبة كربله *** حبيب المصطفى *** يذبحونه ويطيح الراس
يصلي على الرمح *** توضه من دمــع *** جفن عين الگمر عباس
قصـــــيده وللحزن *** دمع زينب صفه *** ضريح ويفترض ينباس
داسته العقيله وصار *** مغــــفره لذنوب النار
لا إله الا الله
************
دمعـتي البلوجن *** مشت حـد الضـلع *** لأن تدري الحسين هناك
ضريحك بالگلب *** حسين بكـل نبض *** يريت بكــــــربله ويّــــاك
نمــــوت ونفتدي *** نضـــحي بالنفس *** قســــــم ياسيدي ونهواك
كربله شعيره ودين *** لليحب بني ياســـين
لا إله الا الله
************
مگصوصة جنح *** سكينة ورفرفت *** حمامه وعالرماح تطير
ما بين الشمــس *** ما بين الگمـــر *** تحط بيا مصــــيبه تحير
ايوب الصـــــــبر *** يعگوب الحـزن *** لوحة بكــــــربلاء تسير
الدمع على الوجنات *** يكتب ويخــــــط آيات
لا إله الا الله
************
غريبه والأهـــــــل *** قرابين العرش *** نذرنه للرســـــــــاله ارواح
درب شــوك وقهر *** مشينه بـلا ملل *** على چتافي الصبر ما طـاح
شفت راس الهدى *** يأذن كل فـرض *** صفــت تربة صلاته ارماح
ننشــــد ونريد اسباب *** ياسبب كسرتوا الباب
لا إله الا الله
************
أنادي اهل البغي *** اخاطب بالقصر *** خليفة والده الشـــيطان
فكـــــد كيدك ولن *** تمحو ذكـــــرنا *** نظل نور الهدى وقرآن
چفوف المرتضى *** نحطــم كل وثن *** اله الآل ابــــــو سفيان
زينب العقيله تصـــيح *** والصدى تشيله الريح
لا إله الا الله
************
نــــــزف دم الگلب *** صفيت بلا نبض *** اسيره بحســــرتي ونيت
جرح فوگ الارض *** يعاين للســــــمه *** حبل ممتد عـرش والبيت
محمد حيــــــــــدره *** اخوتي وفــاطمه *** اون وليكم اشتــــــــاگيت
رايــــده هلي هليوم *** ما شفت بعدهم نوم
لا إله الا الله
************
خادم اهل البيت
محمد المالكي
جدا::!!
نقاط
موضوع: نكتب بدموع العين