اليوم منكدره السمه اليوم تمطر بالدمه
روس ضلت عالرماح تنادي حيه اعله الفلاح
اليوم تبجي فاطمه
ـــــــــــــــــــــــــــــ
اليوم مذبوح الكمر اليوم يوم الفاجعه
راسه بالسيف انطبر والجفوف امكطـّعه
حسين محني الظهر من وصل للمشرعه
طاح شيال العلم والدموم بعينه
نابت بعينه السهم يعتذر لسكينه
طايح بطف كربله وانسبت هالعايله
اليوم يوم الملحمه
اليوم تبجي فاطمه
ـــــــــــــــــــــــــــــ
اليوم طفينه الشمع اليوم نبذل كل نفس
اندافت الحنه بدمع وعاف جسام العرس
موقف بدم منطبع ينطي للعاقل درس
دايف بدم حنته والذبح نيشـــــانه
امه وكفت وصته بالحسن عنوانه
اسيوف حضرت زفته والمهر دم ركبته
من وكف بالموزمه
اليوم تبجي فاطمه
ــــــــــــــــــــــــــــــــ
اليوم نبلة حرمله والله ما ننساها
تشهد بطف كربله عملته السواها
رميه جانت قاتله بالنحر خلاها
طاحت بجيد الرضيع كطـّعت شريانه
امه ناحت عالوديع اتكــــبعت باحزانه
شالت ادموم الوريد خـُذ الهي ما تريد
هالقليـــــــــــل انقدمـِه
اليــــــوم تبجي فاطمه
اليوم يرجع بالصده اليوم يرجع بالانين
عالرماح الكاصده يرفع راس الحسين
عالجسم خيل العده جالت بحقد الدفين
رضت اضلوع الوفه وجمـّعت باعدادها
هذا راس المصطفه هالتشـــــيله احقادها
عالرمح ينزف دمه راس ابن حامي الحمه
ينزف بيوم الضمه
اليوم تبجي فاطمه
ــــــــــــــــــــــــــ
اليوم زينب عالوجن تنذرف دمعاتها
والاثر ضل عالمتن ايهيـّج بلوعاتها
تذرف دموع وتحن بكربله ميعادها
تنادي وينك يلكمريلحديت اضعوني
عاين وشوف الاثرعالمتن ضربوني
انته طايح عالثره وانه رحت اميسره
بالسياط المؤلمه
اليوم تبجي فاطمه
ــــــــــــــــــــــــــــ
اليوم مسبيه الحرم جارت اعليها العده
بين حسرات والم بالحبال امشــــــدده
عالمتن يجـّاره دم من ســــياط الحاقده
وين ابو فاضلها وين ابهالجيوش الكافره
ايشاهد اعيال الحسين ريت يحضر باتره
وين ابو فاضلها غاب ايخلي دمهم للرجاب
ابهالليالي المظلمه
اليوم تبجي فاطمه
نسالكم الدعــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــاء
علي صادق ابو سجاد المجراوي
جدا::!!
نقاط
موضوع: اليوم متكدرة السمه