عالمشرعة مظيعينه

عالمشرعه امضيعينه ... كـل احـنه عـم ســكينه
ماظـنه يحسين ايعـود ... وجفوفه طاحن والجود عالمشرعه...
*********************************
1- صوب الشريعه العايله يم حسين / شابح نظرها / والعطش ماذيها
مالـومه وتصيح الكـمرطايح وين / باخر صبرها / اوتنـتظر يلفـيها
تسمعها مابين الخيــم الها اونين / يلهب جمرها / ونـاره شيطفيها
× شــافـت عـســر بغـيابه ... اونــار العطــش لـهــابه
يابن علي شنهي الراي ... صوب النهر روح اوياي عالمشرعه...
*********************************
2- مـن المـدينه الكـربله ابيوم اوياه / يحسـين اجــيـنه / اوبــالضعـن يبرالي
واعـــدني كــال العــايله التـتـمناه / والــتـطــلـبـيـــنه / والتريــده اطــفالي
اربات الصميده الماكدرجف لاواه / وحادي الضعينه / وانت شوفي افعالي
× انطي العــمر وسنـيني ... مـن زينب اتوصيني
شاف العطش مر بينه ... صاح آنه عم سكينه عالمشرعه...
**********************************
3- التمت عليه من كـل كتر يوم الراح / خيل آل اميه / وماعرفنااخباره
اولمن سمعنه اعله النهركالوا طاح / مــامنه جـيه / والـعــلم بكــتاره
بـخيـمنه تسمع عالكـمر صار انياح / وابن الزجيه / ابدمعته التتجاره
× يــم النهر راح حسين ... شاف العلم والجفين
وشاف اعـله المسنايه ... عيـن الولي امطفايه عالمشرعه...
**********************************
4- غيره اوشهامه ومرجله كلهن بيه / جــامع شـملنه / وبالشدد حامينه
سـبع الكــناطر يـرتجـف من طاريه / كل شامت النه / اوللمجـد يحدينه
بينه امــه جانت من تريد اتوصيه / من زغـر سنه / بــالوفه اموفينه
× حامل وفه ومروه ... واصـبح مــثل للخوه
لحسينه قدم روحه ... تنزف محنه اجروحه عالمشرعه...
***********************************
5- يادهري كافي امن الاهل ماخليت / شنهي الوسيله / البيها ارد لوطاني
بـس آنـه تدري اوللمصايب ظليت / والدمع اســيله / اوفــاكـــده ولياني
جم شــمعه بالطف للبتول الطفيت / وآنــه العــقيله / حـايره ابـرضعاني
× تــالـيها مابـيـن اعـــداي ... محرومه من شرب الماي
اوبالحومه اشوفن وليان ... يــادهــري فـــوك الـتربان عالمشرعه...
---------------------------------------------------------------------------
خادم الحسين (ع) // عبدالحسين كاطع الفريجي