بكل حزنها ردضعنها

السلام عليكم
احبتي الكرام
بعد فتره عدت لكم
واسال الله قبولي خادم لكم احبتي
**************

1
بكل حزنها ------ رد ظعنها
رجعتلـه وسبـيـه
بـرض الغاضريـه
*****************
رجعـــت زينب الحره بحزن وهــمــوم
من الشام للطــف والگــلــــب مــالــوم
يحسين انهض وشاهــدهــا يــامظلــوم
تنحب والدمع يجري اعله خدها ادموم
أنهض الها ------ يا أملها
ونـتـها خــفــيــه
برض الغاضريه
*****************
لون تـنـهـض تشاهـــد زيــنــب الحـره
اختك والجره اعـليها بــألــم حـســــره
ترعى ايتامك ولــمــن مــشــوا أسـره
من اتــوســدت طــايح عـلى الغـــبــره
أتكـفـلتهــم ----- وأحـضـنـتـهم
بعــدك بــالـرزيه
برض الغاضريه
*****************
رجعــت زيـنب او ويــاهــا أطـفـالـك
للطف وبحـزنها أتشاهد أخــيــالـــك
بعــد ذاك الـدلال الشافــتـه بجــالــك
هـسه يحيـط بيها ويمشي چـتــالـــك
ولوضعها ----- صب دمعها
وبهاي المسـيـه
برض الغاضريه
*******************
بعــد ذاك الاســـر ردتـلـك بـلهــفــه
تريد بحضنك الــدافي تجي وتغـفــه
تعــرفها وگلبهـا الحـبـــك اتعــرفــه
مجروحه وجرحها بشوفـتـك يشفـه
محد الها ----- كل اهـلها
من طاحوا سويه
برض الغاضريه
******************
ظلت والگلب جمره بعـد عـيـنــــاك
بحمه غيرك يبو السجاد مو بحماك
عـمـرهــا خـلـصـتـه ومـدللة ويــاك
تـتـصور عــزيــزة گـلـبــك وتنساك
تنسه يومك ------ لو همومك
لو نـار الســريه
برض الغاضريه
******************
للطف رجعـت ايحاوطها سيف البيـن
وتنادي بحــزنها والــدمــع بالعــيــن
عملة كــربله مضمومه چانت ويـــن
مطلوبه چنت يمكن احـس بــديـــــن
اهلي راحوا واغــلـه واعـز اثـنـيــن
عـبـاس الكـفـلـني والحبيب حسـيــن
وانتهـيـنه ----- وانسبيـنـه
وطاح ابن الزچيه
بـرض الغاضريـه
****************
2


اجتك بالضعن واطـفـالـهـا ويـاها
گـوم الزيـنب و اگـعـد تـلگـاهــا
****************
اجتي تناشدك يحـسـيـن گـوم اسمع
يبن امي اجـيـت الحومة المـصـرع
هاك انظـر يخـويه وشاهـد المـدمع
چاسيها الحـزن لأخـتـك وغـطـاهــا
****************
يحسين انظـر اختك شوفهـا بياحـال
ردت من يسرهـا وجـايبه الاطـفــال
تـتـأمل تـشـوفــك والحـزن چـتـــال
والـمثـلـك ابــد يحـسـيــن ينساهـــا
****************
صبـرهـا الشالته ويـاهــا ينـفعـهــا
لاچنها الغـصص بالگوه تجـرعهـا
تحچي ويـاك تعـرف انته تسمعهـا
هالموقـف التحچي ويــاك خــلاهـا
*****************
وراحت للنهــر ماشافــت الحـراس
ولاشافت چفوف الغيره والنوماس
بس شافت گـبــر نــادتــه ياعـباس
امشي اعليك ابـويـه وفاطمه وطه
*****************
ياعـباس رد مــن كـون تسمعــنــي
من ارض المديـنه يــاهــو طـلعـنـي
ماغـيـرك يخـويه وهـسه رجعــنـي
خل يرجع يــرف عالعايله الـواهــا
***************
مجـبـوره ارد لرض الوطـن وحــدي
ويـايــه العـلـيـل وقـابـلـه بـوعــــدي
راح اشكي المصاب الي جره الجدي
وخصيم يصير من كل بشر سواهــا
**************

خادمكم
رياض الرسل