شون الخيل اتهشم صدرك
وانته الهادي قبل نحرك

يالنورك ماساوم ليل
مامعقوله ادوسك خيل
:::::::::::::::::::::::::::::::::::::::::::::::::: :::::::::
شلون الخيل اتهشم صدرك وانته حسين
ابن الزهره وظنوة حيدر حامي الدين

مامعقوله الخيل اتجازف
وتعاين دمك ها لنازف

ودوسك ودماك تسيل
مامعقوله ادوسك خيل
:::::::::::::::::::::::::::::::::::::::::::::::::: ::::
يا عاقل يكدر يستوعب يامولاي الخيل ادوسك
يستوعب لكن يتردد ويكول الخيل اتبوسك

مايستوعب داست جسمك
يستوعب غايتهه اتظمك

ويكول ادوسك تأويل
مامعقوله ادوسك خيل
:::::::::::::::::::::::::::::::::::::::::::::::::: ::::::::::::::::
مولاي أي مو كان انته وحته انكول
طاح امخضب جسمه وفوكه الخيل اتجول

انته حسين ابن الاطياب
شبل الزهره وداحي الباب

صرح وماهزاك السيل
مامعقوله ادوسك خيل
::::::::::::::::::::::::::::::::::::::::::::::
جدك طه وامك فاطم يانور الكل الانوار
مولاي اقنع خيل ادوسك وبنورك جبريل احتار

ماصدك بالصار وياك
وبنورك مشغوله املاك

ناغالك مهدك جبريل
مامعقوله ادوسك خيل
:::::::::::::::::::::::::::::::::::

كلماتي أنا خادمكم
سيد حيدر الميالي