يبني يل أكبر دخيلك
لا تجافيني ابرحيلك

يبني حاجيني
لا تجافيني
::::::::::::::::::::::::::::::
يبني يل أكبر بعد مابيه حيل
كلمة الهجران تهدم والرحيل
يبني تدريني علبعدك كلي اموت
لابد لهالكلمه يوليدي بديل

لاتخليني
لاتجافيني
:::::::::::::::::::::::::::::::::
لاتهاجر عني يوليدي وتروح
من عداد الموت بعدك مالي روح
ارحم امك ياعلي بهذا المصاب
ياهو البعدك يداويلي الجروح

من يداويني
لا تجافيني
:::::::::::::::::::::::::::::::::::
لا تجافيني ابرحيلك يبني يل اكبر
ابرحيلك حزني يبدي وعمري يتكدر
بعد جا شلي بحياتي لو رحت عني
يبني ماريد الحياة البهه اتحصر

من يواسيني
لاتجافيني
::::::::::::::::::::::::::::::::::
يانظر عين امك وياسلوتي
يبني أرءف بيه وارحم حالتي
ما اريد اكبالي اشوفك منذبح
يبني دم تجري بمصابك دمعتي

دم دمع عيني
لا تجافيني
:::::::::::::::::::::::::::::::::::


بقلمي أنا خادمكم
سيد حيدر الميالي