عـــســـاك مــا تـــلكـــى الــفــرح


عساك ماتلكى الفرح ولا عينك تشوف النوم
تصحى اعله هم وقهر وبدموع تنهي اليوم
اريد انخي الله وحجته واريد انخي المظلوم
تنذل عساك بدنيتك تكضيها بجي وهموم
عساك ماتلكى الفرح ولاعينك تشوف النوم





عساك ماتلكى الفرح ريت الله لا يخليك
مجنونتك انه جنت وهسه انه ادعي عليك
شتظن انسى الجرى وكلبي يحن ليك
مجنون لو فكرت انسى انه ذاك اليوم
عساك ماتلكى الفرح ولا عينك تشوف النوم





عساك ماتلكى الفرح وعينك عسا تنعمي
جنت انه اشوفك ملك وجنت انه بيك احتمي
شهالصلافة وجاي وك روح بحضنها ارتمي
جرح الخيانة صعب وبكل لحظة ملجوم
عساك ماتلكى الفرح ولاعينك تشوف النوم





عساك ماتلكى الفرح وتفارك عسى احبابك
تخسر عساك بدنيتك والحظ مايدك بابك
ثق واعتقد انساك واحسب ترى حسابك
ولاتستخف فد يوم بدعوة المظلوم
عساك ماتلكى الفرح ولاعينك تشوف النوم





عساك ماتلكى الفرح ولاتبتسم مرة
روحك عساها بمرض وكلبك عسا بكسره
كل جرح بية يصيح يارب عسا تدمره
بيدك ضيعت عمري ولتكلي مقسوم
عساك ماتلكى الفرح ولا عينك تشوف النوم