رايح لمدرستي او راجع ابساع
موهذا كلامك يمه ليه
ليش اتعطلت يمه العصر فات
اوبدت تعصر ابروحي المغربيه
اتاني اوخبر عاجل طگني بالگاع
... انفجار بمدرستة الثانوية
ولك يمه وصلتك ازحف ازحوف
لأن رجليه ماتن گبل اديه
لگيت اكتابك اوماشفتك اوياه
عفته اشلون مو رحتو سويه
اوجثه اتصيحلي من بين الرماد
موهيه گلت وآنه ادري هيه
حاجيني دخيلك ياضوه العين
الشضيه الصابتك موبيك بيـــــه
انا اشتاگيت ابوس اجفوفك اليوم
ابگد مابوست انته بــــــــــــــــــــــديه
وصية والدك بيدي آنه احنيك
ترضه ايگول خنت انه الوصيه!!
اعرفك غيره كلك تذبح الموت
وتگعد بس اشگ ثوب العــــــــليه
اعز الناس جنت اتگلي ياحيف
اعز الناس ذلتهه المنيه
ياجف القدر المن انمديت
ليش اتناوشت نجم الثـــــــــريه
ابني البجت لمصابه الحمامات
وغتاظ الگمر ونخسف ضيه