ضاقـت علي هالدنيـا ونحــت بالدمـع قرطاســي
ودريــت إن الفــرح فـارق دنيتي وأحلـى خيالاتــي
ضحكت بغفـوة الدنيـا صحـت واستنزفت ياسـي
عنيــدة دنيتـي دايـــم تعـــاكسنــي بمســـاراتــــــــي
تغيـّر مســار هالعـالم عزيـز النفــس ينــداســـي
وأنـا بدنيتــي ... عاشــق بدايـاتـــي ونهايــاتــــــي
لي همـــوم ٍ .. أرتبهـا وأبعثرهـــا بفكــر ناســي
لـي الحاضـر لـي الماضي لـي ريـاح الغـلا العاتــي
أبي البس من همومي قصايد صاغها إحساســي
أبي كل الـورق يخضـع وأبــي اســـرد حكايـاتــــــي
وأبي غيمة عطــش تروي ســـراب الآه بنفاسـي
وأبي طـل ّ الصبـح يشـرب ضمى وقتي وحسراتــي
أخــاف أواجــه الواقـــع لأنه دايـــــــــم ٍ قاســي
وأحـب أمشـي ورى المجهـول وأعبر للشقـا ذاتــي
شربت المر من صغري وقلت أحلا الحلـى كاســي
حسبـت الحلـى علقــم وأحسبـن الفــــرح ياتــــــــي
وحويـت الضيـم في صدري عدد واقف وجلاســي
آه يا كثـر همــي كبـر دنيــاي وكل مســاحـــاتــــي
خذلني كم رفيــق ٍ لي ونسونــي كل أعــز ناســي
ونويـت أبقـى مثـل مانـي ولا أواكــب حضـاراتـــي
أنا منبـــــع شقـــا .. إلا أنـا كــل الشقــــا ساســي
رضيـت بما قسـم ربـي وأبــي أكمـّــل مســاراتـــي
تبي جملـــة معاناتـي صبّــــرك يا بعـــــد راســـي
شقــا وقتــي .. شقــا يومـي .. شقــا كل اتجاهاتــي
أنــا يكفينـي بالدنيـا أمـــوت ويبقــى كــراســــــي
يسولــف للبشــر عنـي وعـن أحـلامـي وشقواتـــي
أوااا عــــزاه يا قلـب رغـم كل الآســى راســـــــي
فــدا لـه كل دنيـاي .. فــدا لـه همــّــل عبراتـــــــي
أبفنـي له سهـر ليلي وأخلي الحلـــم ينداســـــــــي
أبي جرحـي .. أبي دمعـي .. أبي تجلــــى معاناتــي
مشيـّت بجنة ٍ خضـرة ضحكت وإنكســر فاســـــي
خسرت أغلى البشر عندي ولا أدري وين وجهاتـي
وتزلزل بالحشـا شاعــر من همومـه غـدا قاســـي
يكابـر فـوق كل هـذا .. ويقـــول لدنيتــه هاتـــــــي
جدا::!!
نقاط
موضوع: ضاقت علي هالدنيا