(زرقاء القيامة)

قصيدتي بعنوان(زرقاء القيامة)
@@@@@@@@@@@@

ابتسامة جوع بحلوك اليتامة

والرياح اشما تهب تعصف اوراق

الكاتب التاريخ

من ادم لحد يوم القيامة!!!!

يمته جا يوم القيامة ؟؟

ماكرب يوم القيامة

اوعلي ابن ابي طالب
اشمطي اليتامى؟؟

كلي جا شطة اليتامى!

هيه كرصة خبز وشوية كرامة!

اوجان مايملك ولا دينار حيدر

يملك احساس اوضمير

اينام بيهن عالحصير

اوجان من ياكل الخبزة
كبل لا توصل لحلكة
ايكوم ياخذهه الفقير؟؟

هذا حيدر هذا وضعة
باع سيفة اوباع درعه
اوباع كل الدنية ماباع الضمير؟

اومايساوم بالشعب لاجل المناصب!!

ساوم ابروحة لشعبة اورشح ابقائمة الله
اوصوت الاجلة محمد واعتله ابكرسي الزعامة

يمته جايوم القيامة!!

(احنة عدنه اهدافنه اوعدنه مبادئ!
واحنه اعرف بالسياسه؟!)

(ولابد لنا من تشكيل حكومة وحدة وطنية؟
لاتميز بين طائفة واخرى
وسوف نعمل جاهدين على اعادة اعمار
البنية التحتية ولدينا نضرة
مستقبلية بعيدة)
من لعنة الله
اعلى اب....؟؟.....انته زرقاء اليمامة

يمته جايوم القيامة

البندقية اتثور سكته
والرصاصة اتنام بالفوهه
بعد مابيهه حيل
حيل بردانه الطفوف!!

كومو غطوهه ابعباة ام الشهيد

بلكت العباس يدفه!!
اوبلكي ينهض من جديد

ايهوس ابخيمة (يزيد)

(مابيع احسين ابدينارة)

ليش عين الشعب ضربوهه ابسهم

اوليش كطعو منه جفين الحقيقة

حتى من يسمع ضلمهم مايشوف

اوحتى لو خطفو عراقية شريفة

مايخلصهه امن اديهم

لان ماهنه الجفوف

طلعت اتبيع الاكلادة اوتشتري المسواك لحلوك اليتامى!

يمته جايوم القيامة
ابروح ابيك فضهه يايوم القيامة

عقيل الشيباني 2007

[/size]

قصيدة رائعة
ابداع
عاش قلمك الجميل
واصل ابداعك لترتقي
تقبل مروري

احبائي لكم مني كل الشكر والامتنان على ما ابديتموه من اراء وتعليقات وهذا ان دل انما يدل على حسن اخلاقكم وادبكم العالي وبخصوص تواجدي فالتمسكم العذر على قلة التواجد مع اني عضو جديد في منتدياتكم الرائعة ولم اتعرف باكثر المشتركين ولكن كثرة التزاماتي وانشغالي في بعض الامور قدحال بيني وبينكم وان شاء الله في القريب العاجل احاول ان اتفرغ لكي اتعرف بكم لا بل اتشرف بكم وسيكون هنالك طرح مميز ليس في باب الشعر وحسب وانما في مواضيع شتى اللقاء هو من سيحدد المواضيع تقبلو مني هذا ولكم مني فائق الاحترام والتقدير ___انحنائي لكم____اخوكم وخادمكم الشيباني عقيل