قصيدة بعنوان(اتندمت)

(أتندمت)


ارسم ابعيني خريطة مستحاك @
واعبراسنيني محطات اوصـــــور




واحذف المارايدة ابنسمة هواك @
واكتب الله يساعدك باول ســــــطر




وارفع الكاع التدانت من سماك @
حـــــتــى يصعدلك اذاينزل مطر




اعترف ماجنت اظن كلبي اشتهاك@
اشلون صارت هـــــاي فسرهه القدر




يادرب جرحي اعلى المكابرمشاك@
اوهندسة روحــــــــك تخطاهه اوعبر




ظحكتك راية اوترف وابجف ملاك@
اودمعتي اعلى الراية وابليس انتصر




اتندمت كل خطوة ماشيهه ابهواك@
ابكثرماعندالله ايات اوســـــــــــور




سومك ارخيص اويالابروحه اشتراك@
اوهذاتالي الماعرف ويـــــن استقر




انه اول صورة تنظرهه ابصباك@
صـــــــورة الميت الابكبرة انعصر




صح مشيت ابعيد بس نندل خطاك@
اونعرف اليســــحب اجدامك للخطر




لاتجيني ابعذروالشامت وراك@
هذاوكت الشمس مــــــــووكت المطر؟؟


الشيباني عقيل

الله الله روعة عاشت الايادي

قصيده روعه سلمت يداك

احبتي انحنائي لكم جميعا اينما كنتم وممن كنتم وما للابداع اي قيمة بغيركم دمتم بود اخوكم وخادمكم الشيباني عقيل