كلت أنسى وجنت أمصدك نسيت
وشفتك بأول صفنة وي دموعي أجيت
شريد أنسى وتذكرك بكل كتر بالبيت
أهنا كعدنا أهنا ضحكنا أهنا حجيت
وهناك حضنتك من طحت وبلوعة بجيت
... عود صدك بعد ماأشوفك دفنتك وأيسيت
وعفت ياروحي بيتي ورحت عني ومشيت
لا لا موهذا طبعك معقولة بدموعي رضيت
وعفت مسكنك عيني وللمكابر جاوريت
ردتك شمعة تنور دربي ليش ياعمري طفيت
وردتك عين لعيوني لوطكني الوكت يابويه وعميت
تعااااال هذا صديقك يسألني عليك
وهاي جنطة مدرستك منتظرة أديك
وهايه معلمتك صاحت بأسمك
تحضر درسها لوغايب تخليك
ماأدري يوصل لإذنك كلامي
وتسمعني من أحاجيك
شو نخوتك عني تأخرت
لوتراب الكبر كاض رجليك
مابقت عندي وسيلة
لوماتجيني رايح هسه أجيك
وأتوسلك بحقي تطلع من اللحد
وتدفني يمك بديك
بعد شلي بهذا العمر
وبي ماأشوف نور عينيك

عاشت ايدك

عاشت الايادي قصيده حلوه وجميله تقبل مروري

عاشت الايادي

عاشت الايادي قصيده روعه تقبل مروري