يسروهه ام الخدر زينب سبيه

يسروهه ام الخدر**وسفه سبوهه
بغضن بحيدر علي**بغضن خذوهه
@@@@@
هاذي زينب طاهره وجده الرسول
مـنه والله تعـلمينه اعـلى الاصــول
ترضه يا طه النبي*****ترضه زينب تنسبي
نهظم كلبي ونمر**من كـيدوهه
@@@@@
والله لـو مـوجـود ياخيرالعمل
وسفه يابوحسين وافاك الاجل
كوم شوف ام المصايب***ميسره والكلب ذايب
نادت ادركني علي**من يسروهه
@@@@@
زينب امهه فاطمه الكسرو ضلعهه
مكـدره امج والنبي مصابج فجعهه
فوك ذبح حسينهه****بيج زاد ونينهه
والضلع ملجوم**من زينب ولوهه
@@@@@
وسفه ابو السجاد كطعو منحره
عكـب عـينه يـسرو بـت حـيدره
بطيحتك يسرو الحره***تمرمرة وبقصص مره
ونته راسك عالرمح**بيه لوعوهه
@@@@@
كــوم يا عباس ياسبع الـرجال
شوف حال ام الخدر هز الجبال
كوم سبع الكنطره***مصاب زينب ماجره
وحشه من بعد الكمر**من فاركوهه
@@@@@
كوم راعي الثار وخذ بثارهه
وحنه كلنه بخدمتك وانصارهه
كوم يشراع السفينه**غيبتك طالت علينه
شوف زينب عمتك**من حاربوهه
@@@@@
نـندب بـسم مـهـديـنه***وعينه
شوكت يظهرابوصالح***وعينه
وحكـ عباس وجـفـوفه***وعينه
ناخذ ثار زينب والزجيه
@@@@@
الشاعرالحسيني
ابوفزع الحلفي