ما اكدر اسامح لك كافي مو مليت
كلما اسامح ترجع وتجرحني
جم مرة اكول اهجرك وانسى واتوب اهواك
ترد ترجع تنوح تبين تحبني
ماتمل جذبك ابد؟ بس كلي تالي وياك
منين اجيب الصبر لك كول شيصبرني
من كثر حبي الك نادوني يامجنون
وانت ماتدري بعذابي وشنهو الي جنني
بقيت وياك صورة لاتحجي ! لاتندار!
وانت الكيفت ولو احجي تمنعني
عشت وياك عمري..ذلة! وبس اذية ونوح
ورغم اوجاع كلبي بعدك تهمني
شلون صدكت الجذب من كلت تهواني؟
وشلون ماحسبت بيوم تنساني؟
روح يااغرب عشك وانسالي عنواني
اني حبي صعب ويتورط اليهواني
اني حبي صعب ويتورط اليهواني
................