Hitskin.com

تذكير بمساهمة فاتح الموضوع :

لكــــــل عضو .. صوت .. لابد أن يـُـــــــــسمع ..

ونحــــن كأخوة .. هنا .. في :+:منتدى نبض العراق:+:

من واجبنا .. أن نستمع لبعضنا ..!

+ ومن هذا المنطلـــق +

برزت فكـرة " مايـــك المنتدى "..

لذا .. سيحــق .. في كل يـــــــومين ... لعضو واحـــــد فقط

أن يتملك المايك .. ويفصح من خلاله .. عما يريد قوله ..!

قواعـــــــد المايك ..

1) للعضـــــــو + صاحب المايك + :

لك أن تقول ما يحلو لك .. ( قصة ++ تعرف بذاتك لنا ++ او اي شي يتناسب

وطروحات منتدانا المحترم** ) ..

ولكن الأهم أن تبدي رأيك اولاً في المنتدى

تالياً في أعضاء المنتدى بذكر إسم الأعضاء الذين تعرفهم ومواصفاتهم
ولك أن تجمعهم كلـــــــهم ..

فشعارنا هنا .. ((مــن قــدك المايك بيدك ))

2) للأعضــــــاء

عـــــدم مقاطعة العضــــــو بالردود " يعني .. ممنوع أي أحــد يرد ..
على الموضوع .. قبل مايقول

العضو اللي معه المايك .. (( انتهيت ))

ومن بعدة الكل يقول رايه

وذلك لإعطاء حرية أكبر .. للعضو .. في قول مايريد وبدون بلبلة .. أو " دوشه " ..

لأنه مدة استلامه للمايك يومين فقط ...كما ذكرت سابقا ....

مـــــــلاحظــــة:

على العضو بعد إن ينتهي من المايك أن يسلمه لعضو آخر

وإن يرسل رسالة خاصه له ليبلغه بذلك .. وهكذا
سنبدأ بالعضو أو المشرف

إستلم مايكـ المنتدىولا تنسى إختيار العضو الذي سيليك ولكن بعد يومين
وانا بالنسبة لي ابدأ بقصة الامس

موضوعك جدا جميل ويسوي حركه بلمنتدى ويزيد الترابط بين اعضاءه شكرا لمواضيعك ووياك متابعه

ارجع اكمل كلامي

درست بتكريت من صارت ظروف اخويه اضطرينه نترك تكريت واجينه لبغداد والدي اصله من الكوت بس حقيقه ماكدرنه نروح للكوت لان صعبه تنعيش بمكان اصلا مارايحن اله اما بغداد فكان وجودنه بيه مؤقت والاهل حاليا بالمانيا واني ووالدتي فقط بالعراق والوالده راح ارجعه بعد العيد انشالله اما اني فعندي دراستي هنا اكمله ومااعرف بعده اروح لالمانيا او ماادري وين اروح لان احس بنفسي تهت بالغربه مااعيش وبالعراق مالي احد

وساتحدث عن الاعداديه

في فتره الاعداديه كنت ولازلت شاطره وهذه مصيبه اتمنيت اكون كسوله او
موشاطره ولكن من اشوف اخواني وخواتي يدرسون استهظم حقيقه وابدي ادرس حتى
اصير اشطر منهم

ولكن كنت فتاة جدااااا جداااا مشاغبه وشطارتي بالدراسه غفرت لي شغبي مع
الطالبات والمدرسات ولم ينج من اذاي احد ودائما كنت افضل الجلوس في اخر
القاعه الدراسيه كي يكون محور حديث مع الطالبات وبعدها تاتي المدرسه لتقول
لي(كومي عيني مسويته كهوه وتكعدني باول رحله )وفي احدى المرات

او تعبت احجي بالفصحى راح اكون على طبيعتي لان مليت كل شغلي بالفصحى

المهم

مره من المرات

اجيت للمدرسه متاخره وبوقته كان مثل ماهو معروف الي يتاخر ينطرد من المدرسه
او يحضر ولي امره لا وفوكاه مخالفه الزي وعندي امتحان ومستحيل اخلي اليوم
يروح عليه اوااجل الامتحان واعرف بيومه اذا اروح لوالدتي هيه هم راح تسمعني
المقسوم والوالد ماكو بعمله

وين تروحين ياعبير وين تروحين ياعبير ماكو غير جدووووووووووو حبيبي اخذته وياي

وجدو الله يرحمه هذا لوحده سالفه بوقته هو كبير بالعمر وعنده فقدان ذاكره
مؤقت وكل فتره يتذكر فتره من عمره يعني ساعه شاب ساعه شايب المهم اخذته
وياي للمدرسه ودخلته للمديره ابجي كلتله ست اني اسفه واعرف مقصره بس انتي
مثل متشوفين عندي امتحان وبس اني وجدووو بالبيت واضطريت اجيبه وياي للمدرسه
لان ماكو احد بالبيت وهو مريض واخاف عليه ليصير بي شي وسويتله فلم هندي
يجنن وهو هم كان الله يرحمه كوه يمشي تكولي متاخره نص ساعه اكولله مو هو
يمشي على كيفه قابل شبيدي اني خطيه من شافته وشافتني ابجي انقهرت عليه
كلتلي روحي امتحني وخلي يمي وبعده اخذي وروحي اسويلج اجازه وربي اني تحفه
استغليت انهاني شاطره والكل يحبني فمارفضتلي طلب الله يذكرهم بالخير

المهم

دخلت للامتحان واني مااحب اتاخر يبوووووووووووو اذا ساعه اسوي ساعتين ظلت
المديره كل ربع ساعه تجي تكولي شوكت تكملين اتحان جدج سطرني ظل يقصقص اله
دوخه ههههههههههه رجعت للبيت لكيته مكلوب يدورون على جدو عبالهم طلع وصار
بي شي لان هو اذا طلع بعد ميعرف يرجع واني ماكلتلهم اخذته وياي يعني بيومه
اني لو مكتوله قليل بحقي

يالله شكد حبابه اني من سولفت لصديقاتي ولمدرسه عندي كنت احبه كلولي انتي
والله مو هينه بعده اخذتني هي المرشده مالتي الي اني احبه جدا ورحت للمديره
سولفتله عن الي سويته انقهرت مني صحيح بس كالت اني حبيت اصرارج وخوفج
عالامتحان ليضيع عليج

الله احلى ايام كانت

طولت عليكم مو

يلله فاصل واعود

ههههههههه ولوميصير اقاطعج بس عجبتني قصة جدج الله يرحمه ويغفر اله
ههههه ابد مو هينه انتي..
ربي يحفظلج الاهل والوالده
وتاخذين الماجستير والدكتوراه بعد

صدك صحفيه انتي ...اتحبون السوالف
بس سوالفج اتخبل وعجبتني كوولش
انتضرج بعد الفاصل

هذه كانت وحده من كثير يببو شكد جنت اسوي مقالب اخواني هم حبابين مو مثلي يلله خلي اتذكر بعد وشويه وارجع

يمعوده خلص الرصيد كافي

خلي مجال الغيرج وتريدين هم بعد تحجي

هسه ثبتيلي انتي صحفيه

تحياتي

اوكي شكرا اخ عبودي اني اسفه بعد مااكتب شي واذا تحب امسح الي كتبته ماكو مانع بس ملاحظه اني اليوم استلمت المايك وانت كاتب مده الاستظافه يومين

شكرا الك مره اخرى

هلو شباب

ما شاء الله حلوة مشاركاتكم
و الاخص الاخت عبير

عبودي موضوعك يخبل
______________
هسه...
:drink:

بيدمن المايك. :suspect: .؟؟؟؟؟؟؟؟؟؟؟؟؟؟؟؟

نجمات الليل كتب:: موضوعك جدا جميل ويسوي حركه بلمنتدى ويزيد الترابط بين اعضاءه شكرا لمواضيعك ووياك متابعه

انشالله يعجب الجميع

ونشالله يوصل المايك الج

ونسمع صوتج

لان صارلنه هواي مسامعين صوتج

تقبلي تحياتي

عبير كتب:: اوكي شكرا اخ عبودي اني اسفه بعد مااكتب شي واذا تحب امسح الي كتبته ماكو مانع بس ملاحظه اني اليوم استلمت المايك وانت كاتب مده الاستظافه يومين

شكرا الك مره اخرى

اني اسف بس حبيت اشاقه وياج

بس انتي الج واهس بالكتابه

او هسه الباجر هم حتكتبين بس شنو الجديد نتظر ونشوف

تحياتي

لا هاي هيه انتهى دوري واسلمك المايك استظيف شخص اخر غيري

وشكرا لاستظافتي

سيف كتب:: هلو شباب

ما شاء الله حلوة مشاركاتكم
و الاخص الاخت عبير

عبودي موضوعك يخبل
______________
هسه...

بيدمن المايك. :suspect: .؟؟؟؟؟؟؟؟؟؟؟؟؟؟؟؟

شكرآ الك ولمرورك الجميل

المايك حاليآ بعده عند عبير

اشوكت تهده منعرف

بس احنه انخليه براحته

تحياتي

عبير كتب:: لا هاي هيه انتهى دوري واسلمك المايك استظيف شخص اخر غيري

وشكرا لاستظافتي

خيتي عبير انطي المايك ال محمد البغدادي

خلي يشارك

انت صاحب الموضوع وانت سلمه المايك

السلام عليكم

شلونك حبي محمد البغدادي

هسه اجه دورك شاركنه الكلام او سمعنه صوتك

تحياتي

عبوره حياتي كنتي منوره وربي
وسوالفج اتخبل.....
موفقه ان شاء الله
كل عام وانتي بخير
*
**
***
يلا خيي محمد البغدادي
ننتظرك ..وننتظر سوالفك....واخبارك
موفق ان شاء الله مع المايك
تحياتي الك

حياكم الله شباب وبارك الله بعملكم الراقي
عبودي والله انت ماكو منك على هاي الافكار الحلوة
وعبورة والله عليج سوالف تخرب ضحك اشو ممبين عليج
جنتي وكحة هيج والمسكين جدج والله متعبتة وياج
هههههههههههههههه
يالله ابو جاسم راوينة همتك حتى بلكن يصيرلنة واهس
ونكتب مثلكم تقبلو تحياتي واحترامي لكل عمل جيد قمتو فيه

بنت البلد كتب:: حياكم الله شباب وبارك الله بعملكم الراقي
عبودي والله انت ماكو منك على هاي الافكار الحلوة
وعبورة والله عليج سوالف تخرب ضحك اشو ممبين عليج
جنتي وكحة هيج والمسكين جدج والله متعبتة وياج
هههههههههههههههه
يالله ابو جاسم راوينة همتك حتى بلكن يصيرلنة واهس
ونكتب مثلكم تقبلو تحياتي واحترامي لكل عمل جيد قمتو فيه

ولو اني حالفه مااجي للموضوع بعد ومااريد ارد ولكن اشكرج خيتي ام محمد اي عادي اني جدا حبابه كنت ولازلت شوفي صورتي وحكمي عليه

سمارا كتب:: عبوره حياتي كنتي منوره وربي
وسوالفج اتخبل.....
موفقه ان شاء الله
كل عام وانتي بخير
*
**
***
يلا خيي محمد البغدادي
ننتظرك ..وننتظر سوالفك....واخبارك
موفق ان شاء الله مع المايك
تحياتي الك

اشكرج حبيبي سمسم وكل عام وانتي بالف خير ورداتي فديتج وفديت روحج الطيبه

يلله خيو ابو جاسم اتفضل بس كون عبودي مينزلك ويكولك يلله هد المايك وفضه

عبير انتي ليش ضايجه مني

اني والله جنت اشاقه وياج او كلهم يعرفون اني هواي اشاقه

بس انتي يجوز متعرفيني بعدج

واني اسف لان ضوجتج

وعذريني لان ماريد ازعل اي واحد من اخوتي

ممكن تقبلين اعتذاري

بس والله العظيم جنت اشاقه

وتنورين الموضوع شوكت مجيتي

اني اسف مره ثانيه

ونشالله ميصير اختلاف بيناتنه

عبودي كتب:: عبير انتي ليش ضايجه مني

اني والله جنت اشاقه وياج او كلهم يعرفون اني هواي اشاقه

بس انتي يجوز متعرفيني بعدج

واني اسف لان ضوجتج

وعذريني لان ماريد ازعل اي واحد من اخوتي

ممكن تقبلين اعتذاري

بس والله العظيم جنت اشاقه

وتنورين الموضوع شوكت مجيتي

اني اسف مره ثانيه

ونشالله ميصير اختلاف بيناتنه

خيوو عبودي اعرف بيك تتشاقه وربي اعرفك هم حتى لتكول متعرفيني بس اخذت بخاطري هوايه وانقهرت لان ماحبيت ازعل منك ميصير اني اول يوم اجي وتستظيفني بموضوع وهيجي يصير

على كل وعالعموم اني عندي اخوان اثنين احمد وحيدر وهاي انت صرت الثالث ومن ازعل من واحد منهم معناته ازعل منك وخلي في بالك بين الاخوة والاخوات كلشي يصير والعتب من المحبه الاخويه وانشالله احنه اخوه وهاي فرصه حتى تعرف عبير اما بالنسبه للموضوع فاني اخذت حقي ودوري واكتفي كافي راح تفضحوني اذا احجي بعد لان هواي مسويه مقالب مو شويه وخليكم هيج متوقعيني بنوته هااااادئه وحبابه

ها واني هم حبابه تره يعني اي

انشالله اكون اخ مخلص

ونشالله بعد مسمعين من اي احجايه

متعجبج لان اني انقهرت لان انتي ضجتي مني

واني هسه فرحان لان انتي سامحتيني

ربي يخليلج احمد و حيدر

ويحفظهم من كل شر

شنو شباب شبيكم سكتو متكملون
وين صار المايك بأيدمن
يالله يالله نريد نشاط وحيوية وين راح
النشاط شنو عجزتو
ابو جاسم وينك اخذك العيد والتهيت لو شنو
يالله حباب يالله نحن بالانتظار
تقبلو اجمل التحايا

محمد يعتذر منكم لان صار عطل

بالحاسبه مالته ونشالله

يرجع يحجي لان خلصه

تحياتي

Hitskin.com

مايــك المنــتدى