هع اني بالصدفه دخلت للموضوع
ولكيت الدعوه
اااممم طبعا ماارد طلبك خيي
انت تأمر وتدلل
هع وماكو احلى من السوالف هاي وظيفتي الاساسيه
هسه احجيلكم لحد ما يعطل المايك
هع
بس ورا الغدا ابدي بالسوالف
وطبعا اكيد احجي بالعاميه هع ع مود ع الطبيعه
تحياتي ورووود انتوو

هع صدك اني مشاركاتي قليله بس شسوي هع
اني احب اضيف ردود
ومااحب اضيف مواضيع
واذا اضيف رد اطول بيه اهوايه
فعندي المشاركه الوحده اطول هع
وتخلص طاقتي
هع موخوش عذر بس هي هاي الحقيقه هع

شكرآ لقبول الدعوه

بنت عمي

المهم المشاركه والتفاعل مع الموضوع

وحنه منتظرين

تحياااااتي

يلا خلي نبدي
اسمي سمارا هع مو اسمي اقصد لقبي
مواليد 90
انبار
طالبة هندسه مدني
راح احجي عن حياتي العاديه
الوالد الله يرحمه اتوفى من سنه و 8 اشهر
طبعا السبب مفخخه
الله يرحم جميع موتى المسلمين
الوالده كانت معلمه بس تركت الوظيفه من زمان
المهم
اني اكبر بنت بالنسبه لوالدتي وعندي اخت اصغر مني بالسادس واخ اصغرنا كلنا
بس اني خامس وحده بالنسبه للوالد هع
حزوره هاي هع
المهم
اممممم شنو بعد
ها
اذكرت هع حلوه ال ها هع
امنيتي كانت اكون طبيبه
بس مع لاسف ليس كل مايتمناه المرء يدركه
عدت السادس مرتين اول سنه 86 ودخلت هندسه سدود
وثاني سنه 90.1 ودخلت صيدله
والظروف مو زينه لان محافظات وحولت للهندسه المدنيه
وهسه اني بيها
وطبعا شبعت وويل وقهر هع
وكرهت الهندسه من اول يوم دخلت بيه مختبر الرسم الهندسي
وثاني يوم الي اخذنا بيه محاظره ميكانيك هندسي هع
والورش عقدتني بنفسي هع
المهم
ثاني سنه كرهتها بعد اكثر من ورا المقاومه والفلووود هع
بس الحمد لله باالخير انجح واجيب تقدير زين
هع زين يعني جيد
بس السنه لا والله متوسط
المهم
ماادوخكم بكليتي
بس الصراحه السنه اني متشوقه الها
ماادري ليش
احس هاي هيه صارت واقعي وقدري ومستقبلي ولازم احبها واعشقها
وان شاء الله هذا الي راح يصير
بعد شنو احجي
خل اروح ع حياتي الاجتماعيه
هع طبعا هاي مختصره
لان اني اصلا ماعندي صديقات بالواقع
كلهن زميلاتي وبس
امممم ماادري ليش لحد هسه مالتقيت بوحده وصادقتها صداقه حقيقيه
بس اني احب البنات الي وياي كلهن واحبهن محبه قوويه
واعتبرهن مثل اخواتي....
اممم
بعد شنو احجي
اممم ها صدك
اني طبعا عمه وخاله هع هع
منو كدي هع يا بختي
هع ما بقى غير اصير جده هع
اممم
شنو احجي انووب
ها هع
حلوه ها مو؟ هع
احجي عن المنتدى
المنتدى طبعا عرفته بالصدفه
كنت ادور نتائج اخويا بالثالث
ولكيت هذا المنتدى
وشفت الجات
اني طبعا تركت النتائج وكعدت اسولف بالجات
هع
طبعا حبيت كل الاعضاء
وحبيت لمتنا وسوالفنا الحلوه
صحيح اكو ناس ظوجتني او بالاحرى غثتني
بس عادي مااهتملهم
المهم الواحد ثقته بنفسه ماعليه بغيره
اممم
يلا اكمل الحجي ان شاء الله باجر
ماشي
عندي حجي اهوايه ميخلص
هع
واي احد يريد يوجه اليا سؤال
خلي يتفضل
اني احب احد يسالني واجاوب
احسن من اظل اسولف هع

والله سمارا تأثرت من سمعت بقصة الوالد

الله يرحمه ويسكنه فسيح جناته

انشالله نتظر باجر اتكملينه البقيه

بس مو تقهرينه احجيلنه

اشياء انتي فرحتي بيه

حتى نفرح بيه

تحياااتي

امااااااني كتب:

اتباع قوانين الموضوع ....



رايي يالمنتدي :ااول شي اتقدم بالشكر لمدير المنتدي وع جهوده المبذوله من اجل الرقي بالمنتديي

ثانيا المنتدي بالنسبه نااااااااااايس ومحليه وجود الناس الطيبه والوفيه امثالكم

وجود روح الاخوه اللي بينا والكل يسئل عن بعض ونتعلم من بعضنا البعض اشياء كثيره

نتبادل الافكار والاراء والهموم وكانا عائله واحده



ثانيا رايي في بعض الاعضاء اللي اعرفهم



ميمي (بنت البصره)هاي البنت ياربي ماعرف شكول عنهااااا اللي اعرفه انها غامضه وماتحجي

بس هواي حبابه وطيوبه وذوق وويكفي انهاااا من البصره



اما الغاليه (بنت البلد)بمثاية اختي وهوووووووواي احبهاااااااااا هوووووواي



هذا اكثر شخصيتين تربطني علاقه قويه فيهم

طبعا ماطرق لذكر شباب المنتدي

يتبع....

اللة يرحم والديك سمارا

ويرحم جميع موتى المسلمين

ان شاء اللة الموفقية في حياتك

لكي خالص احترامي

هلووو
رجعت انوووب
هع انووب يعني مرة اخرى هع
شكرا ع ردودكم
ربي يحفظكم
خلي اجاوب ع سؤال حبيبتي ام حمودي
شنو احلى شغله صارتلي بحياتي
امممممممممم
والله هي الاشياء الحلوه اهوايه
بس الي فرحتني صدك
قبل شهر لمن طلعت نتيجة اختي الي بالسادس
وكان معدلها عالي بالتسعين
صدك هذه فرحتني اهووواي
وخصوصا هي كانت خايفه حييل واتخاف اطلع نتيجتها
ولمن طلعت اسمها خافت تجي يم الاب توب
واختلت جوا الميز هههههههههههه اي والله
لحد مارديتلها الدرجات هع
بس اني انقهرت لو لاعبه باعصابها اشوي هع
الحمد لله والشكر
طبعا ذكرتيني بموقفي لمن طلعت نتيجتي بالسادس
السنه الاولى خابرت اذاعه اسمها اذاعة الجيل وحصلت نتيجتي منها
طبعا المذيع الي ردلي النتيجه كصته فكر هع وماخابرته بالسنه الثانيه ولا اختي خابرت ع مود نتيجتها هع هع
ع اساس هوو المذيع الي كان يجاوب بالامتحان هع
الصوج بيه مو بينا
هع
السنه الثانيه لا اخذتها من منتدى
طبعا شاركت بهذاك المنتدى بالصدفه ع مود النتائج
وكانت مشاركتي صفر لان عضوه جديده
ومدير المنتدى كال انتظروا منا لحد الساعه 4 العصر واجيبلكم النتيجه حصريااا
طبعا اني كنت مسجله الساعه ب 9 الصبح
وظليت ع نفس الكعده ولا تحركت الا بصلاة الظهر
بحيث صارت الساعه 4 انتبهت ع مشاركاتي بالمنتدى لكيتها صارت 3980 مشاركه
لحد هسه اذكرههااا والله
ولا كنت منتبهه كنت بس كل ثانيه اضيف رد ع النتيجه هع
المهم خطيه ماقصر ابو المنتدى صدك جاب النتيجه بوكتها
بس طلع هم هو كصته فكر هع هع هع ومن ذاك الوقت تركت هذا المنتدى ولا دخلت بيه اابد
هههههههههه
الحمد لله ايام وعدت
وصدك الي يكوول كلها تكضي وماتبقى بس السوالف
اممممم
شنو احجي بعد
اني احب الشعر كله
اموووووووووووووت ع الشعر
اعشقه عشق
بالاخص الشعر الشعبي
احبه حيييييييل
وع طووول احفظ قصائد واكو اخزنها بجهازي
اممممم
احب اقرا الروااايات
كووولش احبها
اي نوع من الروايات بس المهم يكون بيها اثاره واكشنات
هسه حولت ع الروايات الخليجيه
وقريت اكثر من 5 روايات
وكلهن عجبني
طبعا الروايه الوحده ابقى بي 10 ايام او اكثر
بس اذا تعجبني حييييل اخلصها ب 2 لان يصير عندي فضوول قوووي هع
ومرات اروح ع الصفحه الاخيره من الروايه ع مود اشوف البطل والبطله شيصير بيهم هع هع هع >>>>>لقافه زاايده هع هع
بعد شنو احجي اممممممممممممم
احنا كنا ساكنين بالفلوجه
واني حظرت معركة الفلوجه الاولى والثانيه
وشفناا الويلات والعجايب كلها
كنت بالثالث متوسط بوقتها
واجلوا امتحانات الانبار للبلكوريا من دون المحافظات
واذكر اني كنت بعدني اراجع مادة الاحياء يعني بعدنا مابلشنا بالامتحانات
وقناة عراقيه استضافت الاولى ع العراق للسادس وللثالث
اهىء طبعا شغله تقهر هع احنا بعدنا مامتحنا وناس تتكرم
هع
الحمدلله هم ايام وعدت ع خير وطلعت بالثالث معدل 97.4 وكنت اتمنى اطلعه بالسادس بس للاسف ماصار هذا الشي
امممممم بعد شنو اكو
هسه اروح للجات
وارجع اذا ذكرت شي اكوله
واذا لا
فاودعكم
خوووش
انتظروني
وسالوني
اسئله
اي شي يعجبكم
هع
ماشي

اخ عبودي موضوع جميل تسلم

مشكور عالمجهود

+ تقييم



امتنان لكل الاعضاء اللي استمتعنا بقراءة خربشاتهم

دمتم بود

محمد البغدادي كتب:

ومرت الايام فالتقيت بالاخت مروة وعدها لم اكن اعرف كيف اشاهد الردود والمواضيع فعلمتني الاخت مروة ولم تقصر معاي في اي شيء لا اعرفة




فاهدي شكر خاص الى
.

.

.
الاخت مروة

تدلل اخي ممسوين غير الواجب

الشكر لله

اتمنالك التوفيق

امااااااني كتب:

اتباع قوانين الموضوع ....

ميمي (بنت البصره)هاي البنت ياربي ماعرف شكول عنهااااا اللي اعرفه انها غامضه وماتحجي

بس هواي حبابه وطيوبه وذوق وويكفي انهاااا من البصره



هذا اكثر شخصيتين تربطني علاقه قويه فيهم

حبيبة قلبي ربي يديم هالعلاقه

ورده لقلبج

وامتناني الج لاختياري في صدارة القائمه



غامضه

لحد يسلمني المايك ما اقبل احد يسمع صوتي

لان

حرام

صوت المرأه ... عوره

bint_albasrah كتب:

اخ عبودي موضوع جميل تسلم

مشكور عالمجهود

+ تقييم



امتنان لكل الاعضاء اللي استمتعنا بقراءة خربشاتهم

دمتم بود

رغم كل الردود والمشاركات في هذا الموضوع

او جنت احسه ناقص

بس من شفت الرد والمشاركه

حسيت الموضوع اكتمل

ونشالله يوصل المايك الج

وتمنى منج اشاركين ويانه

تحيااااااتي

هلو
اعتذر ع التأخير بالرد
خلصن اليويمين
اتونست بيهن وياكم
وحبيت المايك اهوايه
صح كانت عندي اهوايه سواالف بعد
بس ان شاء الله ع المره القادمه
هسه المن اسلم المايك
الك عبودي
لو لعضو اختاره
هع اني اختار اردلان خانقيني
لان احب سوالفه بالعربي المكسر هع اتخبل والله
ههههههه
يلا بحووور استلم المايك
تحياتي الكم

واتمنى اني ماازعجتكم
عذرا ع التأخير
تحياتي وررروود انتووا

اوكي براحتج خلي يشرفنه

اردلان ويسمعنه صوته

ويحجيلنه ونشالله ميرد طلب سمارا

شكرآ للمشاركه سمارا

الحقيقة موضوع اكثر من رائع



اشكر كل من ساهم وشارك في الموضوع وكل من ذكرني بالخير



لا اطيل عليكم حتى لا تنقطع سلسلة المايك



يثبت الموضوع



مع تقييم



تحياتي

موضوع حلوة عاشت ايديك

رأفت البدران كتب:

الحقيقة موضوع اكثر من رائع



اشكر كل من ساهم وشارك في الموضوع وكل من ذكرني بالخير



لا اطيل عليكم حتى لا تنقطع سلسلة المايك



يثبت الموضوع



مع تقييم



تحياتي

نورت الموضوع حبي رأفت



شكرآ على تثبيت الموضوع

شكرآ على التقيم يا غالي

اردلان خانقيني كتب:

موضوع حلوة عاشت ايديك

شوكت تحجيلنه عنك عن حياتك

مشاتاقين هوايه نسمع

صوتك حبي اردلان

يله شارك ويانه

تحيااااتي

عبودي كتب:

bint_albasrah كتب:

اخ عبودي موضوع جميل تسلم

مشكور عالمجهود

+ تقييم



امتنان لكل الاعضاء اللي استمتعنا بقراءة خربشاتهم

دمتم بود

رغم كل الردود والمشاركات في هذا الموضوع

او جنت احسه ناقص

بس من شفت الرد والمشاركه

حسيت الموضوع اكتمل

ونشالله يوصل المايك الج

وتمنى منج اشاركين ويانه

تحيااااااتي

الله يخليك خيو

الموضوع مكتمل بوجودك والطيبين ان شاء الله



ممتنه لاطراءك الجميل خيو

ربي يحفظك

موضوع رائع

اليعقوبي كتب:

موضوع رائع

شكرآ لمرورك الجميل

نورت الموضوع

تحياااتي

عبودي اني اسلم المايك الك وانت اختار العظو الي تريده
لان اردلان اختفى هع وورطني بختياري اله
تحياتي

اني رجعت او هسه لازم انشوف

عضو او عضوه شاركنه

ونشالله ليش نختاره يتفاعل مع الموضوع