آآآه من الدنيا

آآآه من دنيا مافيها حبيب ولاخلت صاحب
مافيها إلا الألم ينحب والدمع صار إله صاحب

رماني الهم قتل روحي وعذب إحساسي
جرحلي شعوري بسهمه وصار الگلب شايب

الألم في الروح ماتخفيه بسمة ترسمها الشفايف
والحزن في الگلب ماتخفيه عين تغرقها دموع المصايب

أگول هانت وأشوف الدمعة تسبق دمعة التفاؤل
وأگول بأصبر أحس الگلب بالآآآهآت يعاتب

آآآه يادنيا شگد تعبت منچ ومن بلاويچ
رميتيني بكل سهام الغدر وبنار عذابچ الآهب

كيف أغفرلچ الآمي وكيف أسامحچ على أحزاني
وإنتي إلي زرعتي بروحي جروح وگلتي النزف واجب

بلا دليل تلقيت منچ أحكام قاسية وحكم إعدام
أجبرتي بيه الجسد يحرر الروح بدون دية وبلا مطالب

ماكفاچ كل هالدمع والنوح وآلآم الجروح
شتريدين بعد من روحي ومن گلبي الناحب

آآآه يادنيا دوم الصادق بيچ خاين والخاين صادق
لين متى راح تتغذين على دموعنا وتخلين الحزن غالب